Partiya iş adamlarına işgəncə verənlərin cəzalandırılmasını tələb edir

Müsavat Partiyası barələrində həbs qətimkan tədbiri seçilən iş adamlarına işgəncə verilməsinə ertiraz bəyanatı yayıb.

Müəlliflər ad çəkmədən həbs olunanlardan birinin bu haqda ölkə prokurorluğuna müraciət etdiyini xatırladır.

Sənəddə törətdiyi hər hansı əmələ görə təqsirləndirilən şəxslərin keyfiyyətli müdafiə, insani şəraitdə saxlanma hüququ olduğu vurğulanır. İstintaq altında olan təqsirləndirilən şəxslərin işgəncəyə məruz qalmasının ağır cinayət olduğu xatırladılır. Müəlliflər işgəncə faktlarını ölkə Konstitusiyasının və ölkənin qoşulduğu beynəlxalq sazişlərin kobud surətdə pozulması adlandırıblar. 

Sənəddə son zamanlar təcridxanalarda işgəncə hallarının daha da artmasından narahatlıq ifadə olunur. Son olaraq sənəddə rəsmi Bakıdan bu barədə yayılan məlumatların ciddi yoxlanılması, belə halların qarşısının alınması üçün təsirli tədbirlərin görülməsi, bu işdə günahı olan vəzifəli şəxslərin cəzalandırılması tələb edilir.-05D-