Xeyriyyəçi sahibkar

Bakı/15.07.19/Turan: "Xan xəzinəsi" bukinist mağazası 20 ildən çoxdur ki, Sumqayıtda, 2014-cü ildən isə Bakıda fəaliyyət göstərir.

Mağazanın sahibi öz bisnesinə kişi geyimlərinin satışından başlayıb. Eyni zamanda mağazanın bir küncündə şəxsi kitabxanasındakı kitabların bir hissəsini satışa çıxarıb. Kitabxanada 5 mindən çox kitab var.

Sahibkar kitabsevərlərin marağını cəlb edə bilib. Beləliklə, özü də kitab işilə məşğul olmağa başlayıb və öz işini ancaq bu sahəyə yönəldib.

Rəsuloğlunun müşahidələrinə əsasən indiki gənclərin kitaba marağı daha çoxdur, nəinki 10-15 il əvvəl.

Gənclər Türkiyə, Rusiya və digər ölkələrdə nəşr olunan kitabları çox oxuyurlar.

Lakin gömrük rüsumunun yüksək olması kitabın qiymətinin artmasına səbəb olur. Sahibkar hesab edir ki, kitablar rüsumdan azad edilməlidir ki, oxucular üçün əlçatan olsun.

"Xan xəzinəsi" mağazalarında şagirdlər, abituriyentlər və tələbələr üçün tədris vəsaitləri mühüm yer tutur. Bu, aztəminatlı ailələrdən olan şagirdlərə dəstəkdir.

Bukinist mağazasında kitabların qiyməti bəzən rəmzi olaraq 20 qəpikdən başlayır.

Mağazanın rəfləri əsasən vətəndaşların könüllü ianələri hesabına dolur. Hətta Rəsuloğlu bəzi kitabların sahibləri tərəfindən çöpə atılmasına imkan verməyərək onları götürüb. 30B--