Bakı/09.03.18/Turan: Ölkənin Sərhəd Xidməti Xəzərdə iki İran vətəndaşının - Mehran Yusif Nicat Tağı oğlu (1985) və Camzemi İsmayıl Şahvildi oğlunun (1984) saxlanıldığı haqqında məlumat yayıb.
Mənbənin məlumatına görə, martın 8-də saat 01:25-də Astara rayon ərazisində naməlum üzən vasitə dövlət sərhədini pozaraq, Azərbaycanın ərazi sularına daxil olub.
Sərhəd mühafizə gəmiləri təqibə başlayıblar və xəbərdarlıq atəşi açıblar. İki saatdan çox davam edən təqibdən sonra sərhədi pozan gəmi saxlanılıb və içərisində yuxarıda adı çəkilən iki İranlı aşkar edilib. Onların üzərindən tramadol həbləri, sahil zonasında isə 74 ədəd "Qubernator" birlitrlik araq şüşələri tapılıb. İlkin araşdırma zamanı müəyyən edilib ki, fevralın 15-də sərhədçilərin Lənkəran rayonunda saxladığı 450 litrlik araq şüşəsini və 39 qutuda 20 ədəd "Baltika-9" pivə şüşəsini məhz bu qrup qanunsuz olaraq dəniz yolu ilə keçirməyə çalışıb. Əməliyyat və istintaq tədbirləri davam etdirilir. -02D-
Cəmiyyət
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
-
Fevralın 13-də paytaxtda və Abşeron yarımadasında yağıntı gözlənilir. Şimal-qərb küləyi cənub-şərq küləyi ilə əvəz olunacaq. Havanın temperaturu gecə 1-3, gündüz 5-8 dərəcə, nisbi rütubət 70-80% təşkil edəcək.
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
Rəy yaz