Bakıda 8 ilə 50 metro stansiyası tikiləcək? 'Bu, mümkün deyil'
Bugünlərdə Bakının Baş Planı açıqlandı. Plana əsasən, 2040-cı ilə qədər metro stansiyalarının sayının 25-dən 46-ya çatdırılması planlaşdırılır.
Baş Planın metroya aid bölümündə Xırdalanın adı da yer aldı. Amma daha sonra şəhərə metro çəkilişinin nəzərdə tutulmadığı açıqlandı.
Ekspertlər isə hesab edir ki, Xırdalana metronun çəkilməsi vacibdir, bu, həm əhalinin nəqliyyat ehtiyacını ödəyəcək, həm də tıxacları azaldacaq.
Dövlət Şəhərsalma və Arxitektura Komitəsindən "Turan"a bildirilib ki, 2040-cı ilə qədər Baş Planda Xırdalana metro xəttinin çəkilməsi nəzərdə tutulmur. Vurğulanıb ki, bir sıra texniki məsələlər, hələlik, buna imkan vermir: "Xırdalan əhalinin sıx məskunlaşdığı ərazidir və metro çəkilişi prosesi böyük bir söküntü ilə müşahidə oluna bilər".
Nəqliyyat məsələləri üzrə ekspert Elməddin Muradlı isə AzadlıqRadiosuna bildirib ki, Xırdalan metro şəbəkəsinin mərkəzində olmalıdır: "Xırdalan çox qısa zamanda böyük bir yaşayış məntəqəsinə çevrilib və bunun səbəbi də bəllidir: söküntüyə görə Bakının mərkəzindən köçürülən sakinlər evlərin daha ucuz olduğu oraya üz tutublar. İndi də o adamların böyük əksəriyyətinin Bakı ilə bağlılığı var - iş, təhsillə bağlı şəhərə gəlib-gedirlər".
Bu baxımdan ictimai nəqliyyatın önəmini vurğulayan ekspert Xırdalanı dəmiryol şəbəkəsinə də qoşmağı vacib sayır, bunun tıxacları azaldacağını deyir.
E.Muradlı hesab edir ki, Xırdalana metro çəkmək elə də böyük problem deyil: "Hazırda "Avtovağzal" stansiyası var və onu Xırdalana birləşdirmək o qədər də çətin iş deyil. Orada hətta Masazırı da nəzərə almaq olar. Amma vaxtilə səlahiyyəti olan rüşvətxor məmurlar torpaqları satıblar, qanunsuz tikililərə icazə veriblər. İndi isə oturub hesablayıb görürlər ki, böyük bir söküntü işlər aparılmalıdır və böyük pullar xərclənməlidir".
Onun fikrincə, yeraltı metronun alternativi də ola bilər. Belə ki, Bakıdan Sumqayıta yeni avtomobil yolunun çəkilməsi planlaşdırılır: "Bu yola paralel metro xətti də planlaşdırıla bilər. Onlar hesab edirlər ki, bütün metro stansiyaları yer altında olmalıdır. Amma metro stansiyası yerüstü də ola bilər. Bir çox ölkələrdə bu belədir".
Rəy yaz
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
1 rəy
Patriot
2024-01-23
Чем вкладывать миллиарды в бесконечное расширение дорог, лучше направить все усилия на скорейшую реализацию существующего плана строительства метро, это поможет существенно решить проблему "пробок". В первую очередь, необходимо продолжить линию от Ичери шехер до Патамдарта, а также довести фиолетовую линию до Зимнего Бульвара. Это позволит более или менее разгрузить центральные улицы. Одновременно разделить станции 28мая и Дж.Джаббарлы, чтобы уменьшить интервалы движения поездов.