![Xırdalanda məskunlaşan köçkünlər də etiraza qalxdı](https://turan.az/resized/media/2017/main/020700182516-750-500-resize.webp)
Xırdalanda məskunlaşan köçkünlər də etiraza qalxdı
Bu gün, fevralın 7-də Xırdalan şəhərində məskunlaşan məcburi köçkünlər etiraz aksiyası keçiriblər. Plan Uçot Texnikumunun yataqxanasında məskunlaşan məcburi köçkünlər mənizllərə sayğac quraşdırılmasına etiraz ediblər.
“Bizə Qarabağ lazımsı, dilənçi pulu yox”, deyən aksiya iştirakçıları məcburi köçkünlər üçün 36 manat məbləğində aylıq müavinətin müəyyən edilməsindən də narazı olduqlarını bildiriblər.
Onlar “Azərişıq”ın elektrik sayğaclarını quraşdırmaq istəyən işçilərini yataqxanadan qovublar.
Sonradan hadisə yerinə yerli icra hakimiyyətinin nümayəndələri və polis əməkdaşları gəlib.
Etirazçıları sakitləşdirməyə çalışan rəsmilər məcburi köçkünlərin şikayətlərini dinləyiblər.
“Kommunal qiymətlər bahalaşıb, Belə bir vaxtda işıq və qaz pulunu ödəyə bilməyəcəyik. Erməni kilsələrinə qazı pulsuz verirsiniz, məcburi köçkünlərə onu pulla satmaq nə qədər doğrudur”, narazı məcburi köçkünlər deyiblər.
Aksiya 2 saata qədər davam edib. Məcburi köçkünlərin narazılığı nəticə verib - sayğacların quraşdırılması təxirə salınıb.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz