![Bloger Aleksandr Lapşin Azərbaycana ekstradisiya edilib](https://turan.az/resized/750/500/resize/media/2017/main/020700182524.jpg)
Bloger Aleksandr Lapşin Azərbaycana ekstradisiya edilib
Fevralın 7-də axşam bloger Aleksandr Lapşin Azərbaycanın Silk Way Biznes şirkətinin xüsusi reysilə Minskdən Bakıya gətirilib. Belarus Azərbaycanın sorğusu ilə onu ekstradisiya edib.
Lapşin aeroportun VİP zalından Azərbaycan Dövlət Təhlükəsizlik Xidmətinin əməkdaşlarının müşayiətilə əlləri qandallı vəziyyətdə çıxıb.
Onun gəlişilə əlaqədar təhlükəsizlik tədbirləri gücləndirilib. VİP zala bitişik ərazi avtomobillərdən təmizlənib, hüquq-mühafizə orqanlarının əməkdaşları çəkiliş aparılmasına imkan verməyiblər.
Eyni zamanda hökumətyönlü KİV-in bir qrup jurnalistinə blogerin təyyarədən çıxması və zaldan keçməsi prosesini çəkməsinə icazə verilib. Müstəqil KİV nümayəndələrinə bu imkan yaradılmayıb.
Lapşinə qarşı CM-in 281.2 (dövlət əleyhinə yönələn açıq çağırışlar) və 318.2 (Azərbaycanın dövlət sərhəddini qanunsuz keçmə) maddələri ilə cinayət işi başlanmışdı və onun barəsində axtarış elan edilmişdi.
O, Azərbaycanın işğal olunmuş ərazilərinə qanunsuz səfərlər edərək ölkənin ərazi bütövlüyünün əleyhinə çağırışlar edib.
2016-cı ilin sonlarında Lapşin Azərbaycanın sorğusu ilə Minskdə saxlanılıb və Azərbaycana ekstradisiya edilib.
Lapşin İsrail, RF və Ukrayna vətəndaşıdır. İsrail və Rusiya Minski onu Bakıya verməməyə çağırıblar.—06C--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz