Yeni İl hava proqnozu açıqlanıb
Azərbaycanın Milli Hidrometeorologiya Xidməti 1 yanvar tarixinə olan hava proqnozunu açıqlayıb və ölkə üzrə əsasən yağmursuz hava şəraiti gözlənilir.
Bakı və Abşeron yarımadasında gün ərzində dəyişkən buludlu hava müşahidə olunacaq, ara-sıra buludluluğun artması gözlənilsə də, yağış yağmayacaq. Səhər saatlarında cənub-qərb küləyi əsəcək, günün ikinci yarısında isə mülayim şimal-qərb küləyi ilə əvəzlənəcək.
Paytaxtda temperaturun gecə 5-7°C, gündüz isə 8-12°C arasında dəyişəcəyi proqnozlaşdırılır. Atmosfer təzyiqi normadan yüksək - 771 millimetr civə sütunu olacaq, nisbi rütubət isə 70-80 faiz təşkil edəcək.
Regionlarda da əsasən yağmursuz hava şəraiti gözlənilir, lakin gecə yüksək dağlıq ərazilərdə arabir yağıntı, bəzi yerlərdə isə duman müşahidə oluna bilər. Mülayim qərb küləyi əsəcək.
Regionlarda temperaturun gecə 1-6°C, gündüz isə 9-14°C arasında dəyişəcəyi ehtimal olunur. Dağlıq ərazilərdə isə gecə temperaturun -1°C-dən -6°C-yə, yüksək dağlıq zonalarda isə -10°C-dən -15°C-yə qədər düşəcəyi, gündüz isə 2-7°C arasında olacağı gözlənilir.
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz