Yunis Səfərovun həyat yoldaşı Gəncənin icra başçısına silahlı hücumun motivlərini açıqlayıb
Bakı/07.08.18/Turan: Gəncə Şəhər İcra Hakimiyyətinin başçısı Elmar Vəliyevə silahlı hücum edən Yunis Səfərovun həyat yoldaşı videomüraciət yayıb:
https://mail.google.com/mail/u/0/#inbox/16473d7d792b619b?projector=1
O, bundan öncə yayılan audioyazının ona məxsusluğunu təsdiq edib.
Şərafət Səfərova (Nəcəfi) Y.Səfərovun onun həyat yoldaşı olmasına sübut kimi onun müddəti bitmiş pasportunu və nikah haqqında şəhadətnaməni göstərib.
Ş.Səfərova deyib ki, Azərbaycanın rəsmi orqanları tərəfindən və sosial şəbəkələrdə yayılan məlumatlarla, həmçinin əvvəlki audioyazının ona məxsusluğu ilə bağlı şübhələrlə əlaqədar videomüraciətlə çıxış etmək qərarına gəlib.
O, videomüraciətdə qeyd edib ki, həyat yoldaşı bu addımı təkcə "dinə görə yox", həm də "Elmar Vəliyev camaatın canını boğazına yığdığına görə" atıb.
E.Vəliyevin adamları incitməsinə sübut kimi sosial şəbəkələrdə insanların sevincini göstərib.
Ş.Səfərova onun həyat yoldaşı ilə birlikdə İranda oxuması barədə məlumatın yalan olduğunu deyib. Onun sözlərinə görə, onlar İrana ancaq ziyarətə gediblər.
"Diqqət etsəniz görərsiniz ki, adamların sevinci göstərir ki, Elmar Vəliyev həqiqətən onları incidirmiş", - Ş.Səfərova vurğulayıb.
Əslən gəncəli olan RF vətəndaşı Yunis Səfərov iyulun 3-ü axşam E.Vəliyevi və onun cangüdəni Qasım Aşbazovu odlu silahla yaralayıb.
İyulun 6-na keçən gecə E.Vəliyev müalicə üçün İsrailə aparılıb.
Güc qurumları Y.Səfərovun hərəkətini dini zəmində törədilmiş terror aktı kimi qiymətləndiriblər.-06D--
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz