Zahid Oruc jurnalistə qarşı hücumun səmərəli şəkildə araşdırılacağına ümid edir

Bakı/09.05.22/Turan: Hüquq-mühafizə orqanları jurnalist Aytən Məmmədovaya qarşı hücumla bağlı hərtərəfli araşdırma aparacaqlar, Milli Məclisin İnsan hüquqları komitəsinin sədri Zahid Oruc bundan əmindir.

"Jurnalistə qarşı hücum faktları təsdiqini tapacağı təqdirdə, heç şübhəsiz ki, qanunla sərt cəzalandırılmaldır", deyə Oruc bildirib.

Məmmədovanın hücumun Tovuz rayonunda azyaşlı qızın qətli haqqında işlə bağlı ola biləcəyinə dair təxminini şərh edən Zahid Oruc qeyd edib ki, sözü gedən cinayət işi bir neçə ildir ki, KİV-lərin, o cümlədən bütövlükdə cəmiyyətin bir nömrəli gündəmində saxlanmaqdadır.

"Burada məsuliyyət daşıyan şəxslərin və ya şəxsin, hətta sifarişçinin azadlıqda olduğu, hal-hazırda istintaq altında olan şəxsin deyil, digərlərinin burada məsuliyyət daşıdığı iddia olunur. Doğrudur, digər ayrı-ayrı məhkəmə prosesləri qədər siyasiləşdirilməsə də, amma ümumiyyətlə öz-özlüyündə hakimiyyət orqanlarının, xüsusilə də   hakimiyyətin üçüncü qolu olan məhkəmə sisteminin əleyhinə çevrilməkdədir. Ona görə də Milli Məclisin İnsan Hüquqları Komitəsinin təmsilçisi olaraq bizim prinsipial  mövqeyimiz ondan ibarətdir ki, bu məsələ açılsın. Burada rolu olan hər bir kəs, o cümlədən media mənsublarına yetərincə azad bərabərhüquqlu, sərbəst imkanlar yaradılmalıdır", deyə Oruc bildirib.

Ona görə də jurnalistin ona qarşı hücuma məhz bu məsələ ilə bağlı nəşrlərinin səbəb ola biləcəyi haqqında bəyanatı əmərəli şəkildə araşdırılmalıdır, deyə o qeyd edib. -06B-