Zərdab rayon sakini icra hakimiyyəti başçısını ittiham edir

Azərbaycan hakimiyyəti demokratiya və qanunun aliliyindən danışsa da, insan hüquqları sahəsində vəziyyət gərgin olaraq qalır və pisləşməyə davam edir. Bu barədə Reportyorların Azadlıq və Təhlükəsizlik İnstitutunda keçirilən bugünki mətbuat konfransında hüquq müdafiəçisi Ələkbər Məmmədov bildirib.

Əsas problem ondadır ki, vətəndaşların şikayətləri iş üzrə cavabdeh olan məmurların özlərinə göndərilir. Vətəndaşların hüquqlarını ən çox yerli icra hakimiyyətləri, məhkəmələr, hüquq-mühafizə orqanları və iri şirkətlər pozur.

Belə ki, Zərdab rayon sakini Şəfəq Səfərəliyevanın məsələsində yerli icra hakimiyyəti başçısı Lütfəli Babayev vətəndaş Səfərəliyevanı şantaj edərək, onu əlaqəyə təhrik etmək istəyib. Buna cavabda qadın Babayevin boynunu cırmaqlayıb. Hadisədən sonra o, korrupsiyada, sənədləri saxtalaşdırmaqda və qanunsuz təqaüd almaqda ittiham edilib.

Onun şikayətləri cavabsız qalır, yerli və paytaxt məmurları isə prezidentin şəxsi mühafizə xidmətinin rəisi Bəylər Əyyubovla yaxın olan Babayevə baş qoşmaqdan qorxduqlarını iddia edirlər.

Zərdab rayon başçısı ilə əlaqə yaratmaq və ondan şərh almaq cəhdləri nəticəsiz qalıb. -17D-