Bakı sakini Arif Rüstəmov özünə və ailəsinə qaşı 5 il öncə törədilən cinayətin iştirakçılarının hələ də cəzalandırılmaması ilə bağlı bazar ertəsi RATİ-də mətbuat konfransı keçirib.
5 il öncə baş berən hadisədə Rüstəmovlar ailəsinin üzvləri ağır bədən xəsarətləri alaraq xəstəxanalara düşsələr də hadisəni törədən Rüstəm Rüstəmov və atası Pərvaz Rüstəmov saxlanılmayıb. Yalnız ilyarım bundan öncə Bakı Apellyasiya Məhkəməsinin hakimi Mirpaşa Hüseynovun qərarı nəticəsində R.Rüstəmovun həbsə alındığını bildirib. Bu qərarla P.Rüstəmov 4 il şərti, R.Rüstəmov isə 3 il azadlıqdan məhrumetmə cəzası alıb. Amma R.Rüstəmov həbs həyatı yaşamayıb. A.Rüstəmov R.Rüstəmovun barəsində ilyarım öncə qərar verilənə qədər iki ağır cinayət törətdiyini iddia edir. Belə ki, həbsinə qədərki 1 il ərzində R.Rüstəmov bir avtoqəzada 5 nəfərin, ikinci avtoqəzada isə 3 nəfərin ölümünə səbəb olub. Buna baxmayaraq bu şəxsi həbsə almırlar.
A.Rüstəmov qatı cinayətkara qarşı belə loyal münasibəti Ali Məhkəmə səviyyəsində müdafiə olunması ilə əlaqələndirib. A.Rüstəmov Ali Məhkəmənin mülki kollegiya üzvü Afiyəddin İbayevi belə hakimlərdən biri adlandırıb. A.Rüstəmov ailə üzvlərinin döyülməsilə bağlı məsələnin hazırda Ali Məhkəmənin baxışında olduğunu xatırladıb. Qeyd edib ki, hakim A.İbayevin bu məsələyə ədalətlə baxacağı şübhə altındadır. Çünki hakim A.Ibayevlə xüsusi münasibəti olan A.Rüstəmov deyib ki, hakim A.İbayev 15 il öncə onun torpağını qanunsuz olaraq bir başqasına satıb və ondan ədalətli qərar gözləmir.
“Mülki məsələlər üzrə kollegiya üzvü olan A.İbayev bu məsələdə o qədər maraqlıdır ki, guya R.Rüstəmov oğlumla şərik ev tikib. Belə bir fakt yoxdur, bu uydurmadır, amma nə edəsən ki, Ali Məhkəmə bu uydurma əsasında qərar çıxarmaq istəyir”, - A. Rüstəmov qeyd edib. A.Rüstəmov bu məsələnin Apellyasiya Məhkəməsi səviyyəsində də qaldırıldığını, amma hakimin iddianı təmin etmədiyini, geri qaytardığını nəzərə çatdırıb.
Odur ki, A.Rüstəmov Ali Məhkəmənin işə baxacaq hakimlər kollegiyasına etiraz edib. Şəxsən A.İbayevin hər hansı ədalətli qərar qəbul etməsinə etimad ifadə olunmayıb. Son olaraq dövlət başçısı İlham Əlyevə müraciət edən A.Rüstəmov işə baxacaq hakimlər kollegiyasının tərkibinə dəyişiklik edilməsilə bağlı şikayət edib.-05-
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz