Binəqədi rayonu, Rəsulzadə qəsəbəsində - Xutor adlanan ərazidə yaşayan 61 ailənin evi söküləcək. Bu evlər Ziya Bünyadov prospektinin genişləndirilməsi planına düşüb.
İndiyədək müxtəlif aksiyalarla hakimiyyətin diqqətini cəlb etməyə çalışan sakinlərin səsini eşidən yoxdur. Yalnız bu günlərdə Binəqədi rayon İcra Hakimiyyətində vətəndaşları bir-bir qəbul edərək onlara müxtəlif məbləğdə kompensasiya təklif ediblər.
Əksəriyyəti Ermənistan qaçqınları olan ailələr təklif edilən vəsaitin azlığından narazıdır. Evlərin sökülməsinə etiraz olaraq bu gün onlar Ziya Bünyadov prospektində yolu bağlamağa cəhd ediblər. Sakinlərin toplaşdığı əraziyə polis qüvvələri cəlb edilib. Polis hadisələrin gedişinə müdaxilə etməyib. Kompensasiyanın məbləği artırılmasa xutor sakinləri hər cür radikal addımlar atacaqlarını bildiriblər. -0-
Cəmiyyət
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
Yanvarın 19-da səhər və axşam paytaxtda yağış yağacağı gözlənilir. Səhər bəzi yerlərdə duman olacaq. Cənub-şərq küləyi əsəcək. Havanın temperaturu gecə müsbət 3+6, gündüz müsbət 7+11 dərəcə olacaq. Rütubət 70-80 faiz olacaq.
-
Azərbaycanda meymunçiçəyi virusuna yoluxma ilə bağlı ilk hal aşkarlanıb. Bu barədə Azərbaycan Səhiyyə Nazirliyinin və Tibbi Ərazi Bölmələrini İdarəetmə Birliyinin (TƏBİB) 18 yanvar tarixli birgə məlumatında deyilir.
-
Lider mobil operator şagird və valideynləri virtual məkanda təhlükəsiz davranış qaydaları ilə tanış edir Azercell uşaqların virtual məkanda təhlükəsizliyini təmin etmək və rəqəmsal savadlılığı artırmaq məqsədilə ölkə üzrə “Təhlükəsiz İnternet” mövzusunda təlimlərini davam etdirir. Bu dəfə layihə Quba, Xızı, Sumqayıt və Mingəçevir şəhərlərində keçirilib.
Rəy yaz