4 iyun Gəncə hadisələrinin izi ilə – həmin dövrün daxili işlər naziri Abdulla Allahverdiyev saat 16:00-da “Çətin sual" qarşısında
Bakı/04.06.21/Turan: 1993-cü ildə Gəncədə baş vermiş 4 iyun hadisələrindən bu gün 28 il ötür. Həmin hadisələrdən illər keçsə də, hələ də müzakirə olunur.
Həmin vaxt Gəncədə Azərbaycan ordusunun keçmiş korpus komandiri Surət Hüseynovun başçılıq etdiyi hərbi qüvvələrlə hökumət qüvvələri arasında silahlı toqquşma baş verib. Keçmiş korpus komandiri olan Surət Hüseynovun nəzarətində olan 709 saylı hərbi hissənin tərksilah edilməsi ilə bağlı həyata keçirilən əməliyyat uğursuz olub. Məlum hadisə nəticəsində qiyamçı hərbi qüvvələrlə hökumət qüvvələri arasındakı toqquşmada ümumilikdə 35 nəfər həlak olub.
“Gəncə hadisələri” kimi tarixə düşən 4 iyun olayı o vaxt prezident olan Əbülfəz Elçibəyin hakimiyyətdən getməsi və Heydər Əliyevin hakimiyyətə gəlməsi ilə nəticələnib.
Gəncədə baş verənlər qiyam idi, yoxsa dövlət çevrilişi? Həmin hadisələrin qarşısı niyə alınmadı?
Bütün bu suallara həmin hadisələr vaxtı Azərbaycanın daxili işlər naziri olmuş Abdulla Allahverdiyev bu gün saat 16:00-da Kamran Mahmudovun təqdimatında yayımlanan “Çətin sual” verilişində danışacaq.
Çətin sual
-
Azərbaycan Prezidenti İlham Əliyevin Rusiyanın media orqanlarına verdiyi müsahibə, Avropa Parlamentinin Azərbaycanda vətəndaş cəmiyyəti və müstəqil mediaya qarşı repressiyalarla bağlı qətnaməsi, sanksiya çağırışları, Azərbaycan- Qərb münasibətləri, ölkədə son baş verənlər və siyasi həbslər barədə siyasi şərhçi Ərəstun Oruclu Kamran Mahmudovun təqdimatında yayımlanan “Çətin sual” verilişində danışır.
-
Müsavat Partiyasının başqanı İsa Qəmbər Kamran Mahmudovun təqdimatında yayımlanan “Çətin sual” verilişində gündəmi şərh edir.
-
2025-ci il dövlət büdcəsi, Vergi Məcəlləsinə dəyişikliklər, gələn il üçün yaşayış minimumunu və ehtiyac meyarı, DSMF-nin 2025-ci il üçün büdcə layihəsi haqda iqtisadçı REAL Partiyasının sədri Natiq Cəfərli Kamran Mahmudovun təqdimatında yayımlanan “Çətin sual” verilişində danışır.
-
Azərbaycandakı son həbslər, ölkədə insan haqlarının vəziyyəti ilə bağlı baş verən proseslər, beynəlxalq təşkilatların və Qərbin baş verənlərə münasibəti barədə Demokratik Qüvvələrin Milli Şurasının sədri Cəmil Həsənli Kamran Mahmudovun təqdimatında yayımlanan “Çətin sual” verilişində danışır.
Rəy yaz