![AŞPA və Azərbaycan arasında “arzuolunmaz şəxslər” davası... – Fuad Həsənov saat 16:00-da Çətin sualda](https://turan.az/resized/news/2024/4krBVK4RNeRhd4yDjsecWUHaKTSF1mDpMIaq77GM-750-500-resize.webp)
AŞPA və Azərbaycan arasında “arzuolunmaz şəxslər” davası... – Fuad Həsənov saat 16:00-da Çətin sualda
Rəsmi Bakı Avropa Şurası Parlament Assambleyasında (AŞPA) Azərbaycan nümayəndə heyətinin əleyhinə səs verən şəxsləri “arzuolunmaz şəxslər” siyahısına salıb.
Bu barədə Xarici İşlər Nazirliyinin rəsmisi Ayxan Hacızadə almaniyalı deputat Frank Şvabeninin “Azadlıq” radiosuna müsahibəsində səsləndirdiyi fikirlərə reaksiya verərkən bildirib.
Frank Şvabe müsahibəsində Azərbaycanın Avropa Şurasında üzvlükdə maraqlı olmadığını və rəsmi Bakının AŞPA-nın Milli Məclisə seçkilərdə müşahidəçi kimi dəvət olunmamasına iradını bildirmişdi və Azərbaycandakı idarəetməni Sovet İttifaqına bənzətmişdi.
XİN rəsmisi Ayxan Hacızadə isə deyilənləri qərəzli sayıb.
AŞPA-da Almaniya nümayəndə heyətinin sədri Frank Şvabe rəsmi Bakının bu qurumun Azərbaycan nümayəndə heyətinin səlahiyyətlərinin məhdudlaşdırılmasının lehinə səs verən üzvlərinin ölkəyə girişinin qadağan edilməsi haqqında qərarını tənqid edib.
“Demokratik ölkələrdə səyahət qadağaları yalnız ekstremistlərə və zorakı cinayətkarlara şamil edilir”, deyə o, X sosial şəbəkəsində yazıb.
AŞPA prezidenti Teodor Russopulos Azərbaycan Xarici İşlər Nazirliyinin Avropa Şurası Parlament Assambleyasının (AŞPA) bəzi üzvlərinin Azərbaycanda persona non-qrata elan edilməsi ilə bağlı bəyanatına cavab verib.
“Bu, sadəcə olaraq, Azərbaycanın Avropa Şurasındakı hazırkı mövqeyini çətinləşdirən və təəssüf doğuran siqnaldır. Üzv dövlətlər özlərini demokratiya standartlarına riayət etmək öhdəliyini götürüblər. Odur ki, öz vicdanlarına uyğun olaraq səs verənləri qara siyahıya salmaq yalnız əks nəticəyə gətirib çıxara bilər. ”, - Russopulos X platformasındakı hesabında yazıb.
Hüquq müdafiəçisi Fuad Həsənov Kamran Mahmudovun təqdimatında yayımlanan “Çətin sual” verilişində bu barədə danışır.
-
- İqtisadiyyat
- 27 Avqust 2024 14:35
-
- İqtisadiyyat
- 27 Avqust 2024 15:25
Çətin sual
-
Avqustun 23-də Daşkənddə Prezident İlham Əliyev və Özbəkistan Prezidenti Şavkat Mirziyoyevin iştirakı ilə Azərbaycan-Özbəkistan arasında müttəfiqlik sənədi imzalanıb.
-
“Hraparak” qəzeti yazıb ki, Nikol Paşinyan hökumət nümayəndələri ilə birlikdə Ararat mərkəzinə səfər edib, müxtəlif icmaları gəzib. Amma qəribəsi odur ki, o, son vaxtlar ictimai müzakirələrin əsasını təşkil edən Tiqranaşenə(Kərki) səfər etməyib. “Görünür bu, anklavın Azərbaycana veriləcəyi ilə bağlıdır”.
-
Avqustun 15-də Tərtər sakini Validə Əhmədova xəstə övladı ilə birlikdə polis zorakılığına məruz qalıb. O, polis bölməsində 6 saatdan artıq saxlanılıb. Bu barədə məlumatı Validə Əhmədova özü bildirib.
-
Azərbaycan Prezidenti İlham Əliyev rusiyalı həmkarı Vladimir Putinlə görüşündə Cənubi Qafqazda sabitlik və təhlükəsizliyin Moskva ilə Bakı arasında sıx qarşılıqlı fəaliyyətdən asılı olduğunu deyib. Bu arada Azərbaycan BRİCS-ə daxil olmaq üçün müraciət edib, ölkə XİN bildirib.
Rəy yaz