Azərbaycana gələn yardımlar hara xərclənir? – Qubad İbadoğlu “Çətin sual" qarşısında

Bakı/24.08.21/Turan: Avqustun 23-də Beynəlxalq Valyuta Fondu (BVF) üzvü olan dövlətlər arasında uzunmüddətli qlobal ehtiyacların və inkişafın dayanıqlılığının təmin olunması çərçivəsində yardım ayırıb. Fond üzv ölkələrə ümumilikdə 650 milyard dollar məbləğində SDR ayırıb. Rusiya təxminən 18 milyard dollar, Ukrayna təxminən 2,8 milyard dollar, Qazaxıstan təxminən 1,6 milyard dollar, Özbəkistan təxminən 0,8 milyard dollar alacaq. Azərbaycan MDB ölkələri arasında ən az SDR yardımı alan ölkədir- 391,7 milyon SDR  və ya təxminən 555,7 milyon dollar və ya 944,54 mln. manat.

Qeyd olunur ki, bu vəsait dünya iqtisadiyyatı üçün ciddi stimul qismində çıxış edə bilər. SDR-in paylaşdırılması nəticəsində dünya iqtisadiyyatı ölkələrin valyuta ehtiyatlarının dolması hesabına əlavə likvidlik əldə edir. Dövlətlər təqdim olunan SDR çərçivəsində təqdim olunan maliyyə ehtiyatlarını milli iqtisadiyyatın dəstəklənməsi və böhranla mübarizə üçün sərf edə bilər.

Bəs Azərbaycana gələn yardımlar hara xərclənir?

İqtisadçı, Azərbaycan Demokratiya və Rifah hərəkatının rəhbəri Qubad İbadoğlu  Kamran Mahmudovun təqdimatında yayımlanan “Çətin sual” verilişində  bu və digər suallara cavab verir.