Azərbaycanda real Gülençi yoxdur - ekspert
Azərbaycan Baş Prokurorluğu Fetullah Gülen tərəfdarlarına qarşı cinayət işi açıbsa, bu o deməkdir ki, hüquq-mühafizə orqanlarının konkret hədəfləri var. Amma cinayət işi üçün real əsasların olmaması və onun maddələri suallar doğurur. Bu fikri Turan agentliyinin "Çətin Sual" verilişinə müsahibəsində təhlükəsizlik sahəsində ekspert, Təhlükəsizlik Araşdırmalar Mərkəzinin rəhbəri İlham İsmayıl bildirib.
O qeyd edib ki, Azərbaycanda Gülen tərəfdarları haqqında söhbətlər Türkiyənin özündə Gülençilərə qarşı kampaniyanın başlamasından iki gün sonra yarandı.
Azərbaycanda Türkiyə hakimiyyətinin bəhs etdiyi "paralel dövlət" ola bilər? Bu suala cavabda İsmayıl deyib ki, belə bir quruluş olmasına şübhə edir. Baxmayaraq ki, Azərbaycanda nurçuluq təliminin və konkret olaraq Gülenin ardıcıllarının kifayət qədər çox olduğuna ehtimal verir. Erdoğan və Gülençilər arasında qarşıdurmaya gəlincə, Erdoğanın komandasının bir çox üzvləri Gülenin məktəblərini bitirib, belə ki, onlar uzun müddət müttəfiq olublar.
İlk qarşıdurma 2013-cü ilin dekabrında baş verib, həmin vaxt Erdoğan Gülenin hüquq-mühafizə orqanlarındakı adamlarının ifşa etdiyi korrupsiya faktlarından sonra çətinliklə özünə gələ bildi. Həmin qarşıdurmadan Erdoğan zəifləmiş çıxdı, amma məğlub edilmədi.
Ekspertin fikrincə, Erdoğanın çətin günləri hələ qabaqdadır. Bir neçə ay sonra sui-qəsdçilər üzərində qələbə əhval-ruhiyyəsi keçəcək və dövlət qulluğundan, məhkəmələrdən, prokurorluqdan, orta və ali məktəblərdən qovulan on minlərlə insan Erdoğanın düşmənlərinə qoşulacaq. Onlar açıq siyasi mübarizəyə keçəcəklər, öz partiyalarını yaradacaqlar və ya müxalifət sıralarına qoşulacaqlar. Azərbaycanda Gülen tərəfdarlarının olmasına gəlincə, İsmayıl deyib ki, onlar güc və vəsaiti təhsilə, hüquq-mühafizə orqanlarına, dövlət səviyyəsində maliyyə sektoruna yatırırlar. "Buna görə Azərbaycan müxalifəti sıralarında Gülençilərin olması qeyri-realdır", deyə İsmayıl bildirib.
Bununla belə, Azərbaycan hakimiyyəti Gülenin təhsil müəssisələrində təhsil alanlara qarşı kampaniyaya başlaya bilər. Ekspert xüsusi xidmətlərin "Qafqaz" universitetin məzunlarını və Gülenlə assosiasiya olunan qurumlarda işləyənləri nəzarət altına ala biləcəyini istisna etmir. -06D-
-
- İqtisadiyyat
- 16 Avqust 2016 18:00
-
- Cəmiyyət
- 16 Avqust 2016 18:16
Çətin sual
-
Maliyyə Nazirliyi 2024-cü ilin yanvar-sentyabr ayları üzrə icmal və dövlət büdcələrinin icrasına (operativ) dair məlumat yayıb. Məlumatda azad olunmuş ərazilərin bərpası üçün xərclənən vəsaitin də məbləği açıqlanıb.
-
İran İslam Respublikasının Prezidenti Məsud Pezeşkian Azərbaycan səfirliyinə hücum məsələsini sona çatdıracağını vəd edib. Bu barədə oktyabrın 14-də Məsud Pezeşkian Azərbaycanın Baş nazirinin müavini Şahin Mustafayev ilə görüşdə bildirib.
-
2025-ci ilin yanvarın 1-dən Rusiya sərhədçiləri Ermənistan və İran sərhədindəki keçid məntəqəsində xidmətini dayandıracaq. Bu barədə Rusiyanın Prezidenti Vladimir Putin və Ermənistanın Baş naziri Nikol Paşinyan Moskva görüşündə razılığa gəliblər.
-
Siyasi analitik və Yerevan Mətbuat Klubunun Fəxri Prezidenti Boris Navasardyan “Çətin sual” proqramına verdiyi müsahibədə MDB-nin Moskva sammitinin nəticələrini, sammitdə əldə olunan razılaşmaları və qəbul edilən qərarları şərh edib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 196
Rəy yaz