Bələdiyyələr haqqında qanunlara edilən dəyişiklik nəyisə dəyişəcəkmi? – Hafiz Həsənov Çətin sualda

Azərbaycanda bələdiyyələrin sayı azaldılır. Aprelin 5-də “Bələdiyyələrin birgə fəaliyyəti, birləşməsi, ayrılması və ləğv edilməsi haqqında” və “Bələdiyyələrin statusu haqqında” Qanunlara edilən dəyişikliklər Milli Məclisdə üçüncü oxunuşda qəbul edilib. Dəyişikliyə görə, Azərbaycanda əhalisinin sayı 3000 nəfərdən, yaxud 1000 evdən az olan bələdiyyələr birləşdiriləcək.

Dəyişikliklərə görə bələdiyyələr birləşməklə əlaqədar Milli Məclisə müraciət edəcək. Milli Məclis də bununla bağlı qərar qəbul edəcək.

Xatırladaq ki, bundan əvvəl də Azərbaycanda bələdiyyələr birləşdirilib.

Azərbaycanda ilk dəfə bələdiyyə seçkiləri 1999-cu ildə keçirilib. Hazırda ölkədə 1606 bələdiyyə var. Dəyişiklikdən sonra Azərbaycanda 700-dən artıq bələdiyyənin fəaliyyət göstərəcəyi gözlənilir.

“Hüquq və İnkişaf” İctimai Birliyinin sədri Hafiz Həsənov Kamran Mahmudovun təqdimatında yayımlanan “Çətin sual” verilişində bu haqda danışır.