Dünya böyük müharibənin astanasında. Azərbaycandan nə istənilir? – Rauf Mirqədirova Çətin sualda

HƏMAS lideri İsmayıl Haniyənin öldürülməsindən bir neçə gün sonra Azərbaycan Xarici İşlər Nazirliyi vətəndaşları Livana və Fələstinə, daha sonra isə İsrailə səfər etməməyə, orada yaşayanları isə qısa müddətdə həmin ölkəni tərk etməyə çağırdı. Bu da həmin coğrafiyada müharibənin böyüyəcəyi ehtimalını artırır.

Avqustun 5-də İran İslam Respublikasının Prezidenti Məsud Pezeşkian və briqada generalı Məhəmməd Baqiri ilə görüşən Rusiyanın Təhlükəsizlik Şurasının katibi Sergey Şoyqu Azərbaycana da gəldi.

“The Wall Street Journal” yazıb ki, İran lideri çətin anlarda Rusiyanın dəstəyinə arxalandığını bəyan edərək Moskva ilə münasibətlərin dərinləşməsini vacib sayıb. Sergey Şoyqu Rusiyanın İranla əməkdaşlığa hazır olduğunu deyib.

Avqustun 6-da Sergey Şoyqu İlham Əliyevlə görüşdə Qərbin Cənubi Qafqazda təhlükəsizliyin yaradılması prosesinə müdaxilə cəhdlərini müzakirə etdiyini bildirib.

“Bu, ilk növbədə, əlbəttə ki, Cənubi Qafqazda təhlükəsizlik məsələsidir. Bu, 10-cu redaktəsi Yerevana verilən Ermənistanla sülh razılaşmasıdır. Bunlar, təbii ki, Qərbin prosesə çox fəal müdaxilə cəhdləridir”.

Bir sözlə, Tehrandan sonra Bakıya səfər edən Şoyqu bu mesajı verirdi ki, Qərbin Cənubi Qafqaza girməsinə yol verilməməlidir.

Siyasi şərhçi Rauf Mirqədirov Kamran Mahmudovun təqdimatında yayımlanan “Çətin sual” verilişində bu barədə danışır.