İnsan haqları ilə bağlı Qərb diplomatlarının çağırışı, hakimiyyətin cavabı... – Zərdüşt Əlizadə Çətin sualda

Avropa İttifaqı, Böyük Britaniya və İsveçrənin səfirlikləri beynəlxalq insan haqları günü ilə bağlı keçirdikləri tədbirdə Azərbaycanda insan haqları ilə bağlı  vəziyyəti “dəhşətli” adlandırıblar.

“Jurnalistləri və ictimai fəalları azad etmək üçün bütün səylərə və beynəlxalq kampaniyaya baxmayaraq, onlar hələ də həbsdədirlər. Biz bir daha hakimiyyəti öz fundamental azadlıqlarından istifadə etdiklərinə görə həbs edılənlərin hamısını azad etməyə çağırırıq”, - Aİ-nin Azərbaycandakı səfiri Peter Mixalko çıxışında deyib.

“Məşhur hüquq müdafiəçisi Rüfət Səfərovun İnsan Hüquqları Günündə həbs edilməsi xüsusi narahatlıq dogurur”, - Mixalko vurğulayıb.

Tədbirdə iştirak edən ABŞ səfiri Mark Libbi çıxışında bildirib ki, Azərbaycan hakimiyyətini haqsız yerə həbs edilənləri azad etməyə və insan hüquqları ilə bağlı beynəlxalq öhdəliklərini yerinə yetirməyə çağırır.

Azərbaycan Xarici İşlər Nazirliyi İnsan Hüquqları Günü münasibətilə keçirilən tədbirdə Qərb diplomatlarının bəyanatlarına reaksiya verib. "Dekabrın 4-də Bakıda keçirilən tədbir zamanı ABŞ, Avropa İttifaqı, Böyük Britaniya və İsveçrə səfirlərinin Azərbaycanda "jurnalistlərin" və "siyasi fəalların" saxlanılması barədə bəyanatlarını qətiyyətlə rədd edirik. Bu bəyanatlar Azərbaycanın məhkəmə sisteminin müstəqilliyini pozmağa açıq cəhddir", - yazıda deyilir.

Baş verənləri siyasi şərhçi Zərdüşt Əlizadə Kamran Mahmudovun təqdimatında yayımlanan “Çətin sual” verilişində şərh edir.