“İrana casusluq etmək” adı altında həbs olunanlar həqiqətənmi casusdurlar, yoxsa sadəcə dindar? – Hüquq müdafiəçiləri Çətin sualda

Bakı/05.04.23/Turan:  Milli Məclisin deputatı Fazil Mustafaya silahlı hücumda şübhəli sayılan şəxslərin həbs edildiyi bildirilir. Səbail Rayon Məhkəməsində istintaq orqanın təqdimatına baxılıb və vəsatət təmin olunub. Xəbərdə vurğulanır ki, təqsirləndirilən dörd nəfərdən biri barədə üç, digərləri haqqında isə 4 aylıq həbs qətimkan tədbiri seçilib.Amma onların adları, konkret hansı maddələrlə ittiham olunduqları və məhkəmənin günü barədə məlumat verilmir.

Ümumiyyətlə, son günlər Azərbaycanda dini inanclı şəxslərin müxtəlif ittihamlarla kütləvi şəkildə həbs olunduğuna dair məlumatlar yayılır. Bu həbslərin bütün ölkə boyu aparıldığı deyilir.

Hüquq mühafizə orqanları necə müəyyən edir ki, həmin şəxslər “İran casusları”dır? Və əgər bu əməliyyatlar “İrana casusluq etmək” adı altında aparılırsa, niyə həmin inanclı şəxslərə qarşı başqa ittihamlar irəli sürülür?

Hüquq müdafiəçiləri Novella Cəfəroğlu və  Rüfət Səfərov Kamran Mahmudovun təqdimatında yayımlanan “Çətin sual” verilişində bu barədə danışır.