“Kanal 13”-ün direktoru Əziz Orucov niyə saxlanılıb? – Qardaşı Anar Orucov Çətin sualda

Bakı/28.11.23/Turan:  “Kanal 13” internet televiziyasının icraçı direktoru Əziz Orucovun ötən gün evində və televiziyanın ofisində axtarış aparılıb.  Daha sonra məlum olub ki, “Kanal 13” internet televiziyasının rəhbəri Əziz Orucovun şübhəli şəxs qismində tutulmasına qərar verilib.  Onun vəkili Bəhruz Bayramov bildirib ki, ona qarşı Cinayət Məcəlləsinin 188.2 (Mülkiyyət, istifadə və ya icarə hüququ olmadan torpaq sahəsi üzərində özbaşına tikinti və ya quraşdırma işləri aparma) maddəsilə cinayət işi başlanıb.

“Əziz Orucovun şəxsi evi yoxdur, qohumlarının evində yaşayır. Torpaq sahəsi alıb ki, özünə ev tiksin. O ərazidəki torpaq sahələrində yüzlərlə ev tikilib. Amma Əziz Orucov buna görə şübhəli şəxs qismində saxlanılır. Evində, ofisində axtarış aparılır”, – Bəhruz Bayramov bildirib.

Baş verənlərlə bağlı Əziz Orucovun qardaşı, “Kanal 13” internet televiziyasının Almaniyada yaşayan rəhbəri Anar Orucov Kamran Mahmudovun təqdimatında yayımlanan “Çətin sual” verilişində danışır.