Manat tam üzən məzənnəyə keçir? Devalvasiya olacaq? – Əkrəm Həsənov “Çətin sual" qarşısında

Bakı/21.01.22/Turan:  Son günlər manatın üzən məzənnəyə keçəcəyi ilə bağlı mediada və sosial şəbəkələrdə fikirlər səsləndirilir.

Ötən həftə Prezident İlham Əliyev yerli telekanallara müsahibəsində manatın məzənnəsi ilə bağlı əvvəllər atılan addımlara toxunaraq demişdi ki, Mərkəzi Bank manatı sabit saxlaya bilmədi və biz 10 milyard dollar valyutanı itirdik".AMB sədri Elman Rüstəmov 2021-ci ilin yekunlarına dair brifinqdə jurnalistlərin suallarını cavablandırarkən, - “biz manatı zorla tutub saxlaya bilmərik, manatın məzənnəsini inzibati yolla tənzimləmək mümkün deyil”, - açıqlamasını vermişdi. Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov isə manatın əvvəl-axır üzən məzənnə rejiminə keçiriləcəyini deyib.

 Manat tam üzən məzənnəyə keçərsə, Azərbaycan iqtisadiyyatını və əhalini nə gözləyir? Üzən məzənnəyə keçid o deməkdir ki, manat dəyər itirəcək və devalvasiya olacaq?

Bütün bu suallara bank və maliyyə məsələləri üzrə ekspert, hüquqşünas Əkrəm Həsənov Kamran Mahmudovun təqdimatında yayımlanan “Çətin sual” verilişində cavab verir.