Bakı/21.01.22/Turan: Keçmiş baş prokuror və Serbiyada, həmçinin Bosniya və Herseqovinada keçmiş səfir Eldar Həsənov 10 il azadlıqdan məhrumetmə cəzasına məhkum edilib. Bu hökmü cümə günü Bakı Ağır Cinayətlər Məhkəməsi Əfqan Hacıyevin sədrliyi ilə çıxarıb.
Eldar Həsənov son çıxışında özünü təqsirli bilmədiyini bildirib və ona bəraət verilməsini xahiş edib.
Məhkəmə onu 2010-2020-ci illərdə Rumıniya, Serbiya, Bosniya və Herseqovinada səfir vəzifəsində işlədiyi dövrdə dövlət maraqlarına 180 min avrodan çox ziyan vurmaqda və 100 min avrodan çox vəsaitdən təyinatı üzrə istifadə etməməkdə təqsirli bilib.
Bu məbləğlər adı çəkilən ölkələrdə səfirlik binalarının alınması və təmiri zamanı mənimsənilib.
Həsənov CM-in mənimsəmə, oğurluq və sui-istifadə maddələri ilə mühakimə olunub.
Xatırladaq ki, Eldar Həsənov 2020-ci ilin iyulunda Dövlət Təhlükəsizlik Xidmətinin əməkdaşları tərəfindən XİN-in Konsulluq Xidmətinin bir neçə digər işçisi ilə birlikdə həbs edilib.
Maraqlıdır ki, eyni miqyasda mənimsəmədə ittiham olunan digər üç XİN işçisi sonradan şərti cəza alıb və həbsdən azad edilib. -02D-
Siyasət
-
Noyabrın 29-da Bakı Ağır Cinayətlər Məhkəməsində Elnur Nuriyevin sədrliyi ilə Demokratik Qüvvələrin Milli Şurasının (DQMŞ) və Müsavat Partiyasının üzvü Tofiq Yaqublunun işi üzrə növbəti iclas keçirilib.
-
Avropa Şurası Parlament Assambleyası (AŞPA) bu ölkədə dinc etirazların yatırılmasını pisləyib və ölkəni Avropa dəyərlərinə sadiq qalmağa çağırıb.
-
Azərbaycan DİN politoloq Azər Qasımlının həyat yoldaşı Samirə Qasımlının ölkədən çıxışına qoyulan qadağanı ləğv edib. Lakin onun xaricə səfəri baş tutmayıb, çünki o, aviareysə çata bilməyib.
-
Son iki gündə Azərbaycan Xalq Cəbhəsi Partiyasının (AXCP) 3 fəalı saxlanılıb. Onlardan ikisi barəsində inzibatı qaydada həbs seçilib. Bir fəal isə hələ polis bölməsində saxlanılır.
Rəy yaz