Məmurlar niyə vicdanla işləməyi deyil, korrupsioner olmağı seçirlər? – Natiq Cəfərli “Çətin sual" qarşısında

Bakı/16.09.21/Turan: Prezident İlham Əliyev Cəlilabad və Şəmkir rayonlarının yeni təyin olunmuş icra başçıları ilə görüşdə bildirib ki, məmurlar bilməli və xatırlamalıdırlar ki, qanun pozuntusuna görə cəza labüddür.

“Son illər ərzində bir çox yüksək vəzifəli məmurlar, yerli və mərkəzi icra orqanlarının rəhbərləri, eyni zamanda, sabiq rəhbərlər (rayonlar), nazirlər, icra başçıları cinayət məsuliyyətinə cəlb ediliblər. Hər kəs bilməlidir ki, heç kim məsuliyyətdən canını, yaxasını qurtara bilməz. Əgər məmurlar öz işində yenə də bu çirkin əməllərdən əl çəkməsələr, onların da aqibəti eyni olacaq”, - Əliyev qeyd edib.

 Prezident vurğulayıb ki, məmurlar qanun çərçivəsində işləməli, göstərilən yüksək etimadı doğrultmalıdırlar.

“Siz elə işləməlisiniz ki, vətəndaşlar sizdən razı olsunlar. Ancaq indi istintaq materiallarının bir çoxunda göstərilir ki, bir neçə rayonun icra başçısı hətta sosial cəhətdən ən həssas təbəqənin nümayəndələrindən də pul, rüşvət alıblar", - Əliyev bildirib.

“Dəstəyə, sosial müdafiəyə ehtiyacı olan ailələrə Heydər Əliyev Fondu tərəfindən göndərilən humanitar yardımın da dalına keçirlər”, - dövlət başçısı deyib.

Məmurlar niyə vicdanla işləməyi deyil, korrupsioner olmağı seçirlər? Onları buna vadar edən səbəblər nədir?

Bu və digər suallara REAL partiyasının icra katibi Natiq Cəfərli  Kamran Mahmudovun təqdimatında yayımlanan “Çətin sual” verilişində cavab verir.  --0-