Naxçıvana “xan” yerinə səlahiyyətli nümayəndə. Addəyişmə, yoxsa ciddi islahat? – Natiq Cəfərli Çətin sual qarşısında

Bakı/23.12.22/Turan: Naxçıvan Muxtar Respublikasında Azərbaycan Prezidentinin səlahiyyətli nümayəndəliyi təsis edilib. Bu barədə dövlət başçısı İlham Əliyev dekabrın 22-də fərman imzalayıb.

İlham Əliyev ötən gün Fuad Nəcəflinin Naxçıvan Muxtar Respublikasında Azərbaycan Prezidentinin səlahiyyətli nümayəndəsi təyin edilməsi haqda sərəncam imzalayıb. Fuad Nəcəfli “Sumqayıt Texnologiyalar Parkı” MMC-nin (STP) Müşahidə Şurasının üzvü olub, həmçinin “Pasha Holding”də də çalışıb. 47 yaşlı Fuad Nəcəfli əslən Naxçıvan MR-in Şahbuz rayonunun Kolanı kəndindəndir. İndiyədək Naxçıvan Muxtar Respublikası Ali Məclisinin sədri Vasif Talıbov ölkədə “Xan”, “Naxçıvan xanı” adlandırılırdı. O, dekabrın 21-də öz vəzifəsindən istefa verib.

Ötən gün mədəniyyət naziri Anar Kərimov tutduğu vəzifədən azad olunub. Bununla bağlı Prezident İlham Əliyev sərəncam imzalayıb. Adil Qabil oğlu Kərimli prezident sərəncamı ilə Heydər Əliyev Mərkəzinin direktorunun birinci müavini vəzifəsindən azad edilib. O, mədəniyyət nazirinin birinci müavini təyin edilib.  Bununla yanaşı, mədəniyyət naziri təyin olunanadək həmin vəzifənin müvəqqəti icrası mədəniyyət nazirinin birinci müavini Adil Kərimliyə tapşırılıb.

Bütün bunlar barəsində REAL partiyasının icra katibi Natiq Cəfərli  Kamran Mahmudovun təqdimatında yayımlanan “Çətin sual” verilişində danışır.