Paşinyanın son bəyanatı; Azərbaycanın ərazi bütövlüyünü tanımağa atılan addım? – Zərdüşt Əlizadə “Çətin sual" qarşısında

Bakı/27.12.21/Turan: Ermənistanın baş naziri Nikol Paşinyanın onlayn müsahibə zamanı dediyi fikirlər Yerevanla Qarabağ separatçıları arasında münasibətlərin kəskin şəkildə pisləşməsinə səbəb olub. Separatçılar Paşinyanın açıqlamalarını “milli maraqlara xəyanət” kimi qiymətləndirib və baş nazirin mövqeyi ilə razılaşmadıqlarını açıq şəkildə bildiriblər. Narazılığın əsas səbəbi Paşinyanın Qarabağın Azərbaycanın tərkibində olması ehtimalı ilə bağlı açıqlamaları olub. Bundan əlavə, o, bu bölgənin azərbaycanlı əhalisinin haqları və beynəlxalq ictimaiyyətin Qarabağın Azərbaycanın bir hissəsi olması olduğunu bildirib. Daha sonra Paşinyan Qarabağın Azərbaycanın  hissəsi kimi tanınması ilə faktiki razılaşdığını bildirdi.

“Artsaxın müstəqilliyinin beynəlxalq səviyyədə tanınması bizim əsas istinad nöqtəmizdir və heç bir hökumət bu xəttdən kənara çıxa bilməz. Ona görə də Artsax xalqı və hakimiyyətləri heç vaxt və heç bir şəkildə Azərbaycan daxilində hər hansı statusu qəbul etməyəcəklər”. Bunu separatçıların “prezidenti” Arayik Arutyunyan deyib.

O, bəyanatında ermənilərlə azərbaycanlıların birgə yaşaması ehtimalını rədd edib, Qarabağın “işğal olunmuş ərazilərinin azad edilməsi” uğrunda döyüşməyə hazır olduğunu qeyd edib.

Bir sözlə, Qarabağ erməniləri əslində Paşinyanın Əliyevlə danışıqlarda əldə etdiyi razılaşmaları yerinə yetirməkdən imtina ediblər.

Əliyevlə Paşinyan arasında dekabrın 28-də Sankt-Peterburqda gözlənilən görüşü nəzərə alsaq, yaxın günlərdə daha da kəskinləşmə gözlənilməlidir. Bu görüşdə Bakı ilə Yerevan arasındakı razılaşmalar təsdiqlənmlidir.

Bütün bunlarla bağlı siyasi şərhçi Zərdüşt Əlizadə Kamran Mahmudovun təqdimatında yayımlanan “Çətin sual” verilişində danışır.