Prezident Milli Məclisin ilk iclasında hansı təhlükələrdən danışdı? – Seymur Həzi Çətin sualda

Sentyabrın 23-də VII çağırış Milli Məclisin ilk iclası keçirilib. Yeni Azərbaycan Partiyasının Milli Məclisin sədri vəzifəsinə təklif etdiyi Sahibə Qafarova sədr seçilib. Daha sonra deputat Əli Əhmədov Milli Məclis sədrinin birinci müavini, Ziyafət Əsgərov, Musa Qasımlı və Rafael Hüseynov müavinləri seçiliblər. İndiyə qədər Milli Məclis sədrinin üç müavini ( I müavin və iki müavin) olurdu. Əli Əhmədov 2013-cü ildən Baş nazirin müavini idi. Ziyafət Əsgərov 2000-2020-ci illərdə spikerin birinci müavini olub.

Milli Məclisin ilk iclasında çıxış edən Prezident İlham Əliyev bildirib ki, Azərbaycanın II Qarabağ savaşında qələbəsini həzm edə bilməyən xarici dairələr yeni planlar hazırlayırlar. Prezident bildirib ki hərbi güc artırılacaq. O, quru sərhədlərin bağlı qalmasına da toxunub və bunu təhlükəsizliklə əlaqələndirib.

AXCP sədrinin müavini Seymur Həzi Kamran Mahmudovun təqdimatında yayımlanan “Çətin sual” verilişində bu barədə danışır.