Prokurorluq zorlanma faktını araşdırmaqdan boyun qaçırır? – Zümrüd Yağmur“Çətin sual" qarşısında

Bakı/13.10.21/Turan: Ictimai fəal Sənay Yağmur xalası oğlu Əsgər Ağayev tərəfindən cinsi zorakılığa məruz qaldığını iddia edib. O, bu barədə ötən gün facebook sosial şəbəkəsində post yazıb.

Bundan sonra Sənay Yağmurun anası - yazıçı Zümrüd Yağmur sosial şəbəkə hesabında faktla bağlı detalları açıqlayıb.

Zümrüd Yağmur cinayətkarın bugünədək cəzasız qalmasında prokurorluq orqanlarını günahlandırır.

Z.Yağmur qeyd edib ki, məsələ ilə bağlı CM-nin 149-cu maddəsi (anlaqsız vəziyyətdə cinsi təcavüzə məruz qalma) ilə cinayət işi açılıb. Ananın iddiasına görə təcavüzə uğradığı gecə Sənaya narkotik içirilib.

Prokurorluq zorlanma faktını  araşdırmaqdan niyə boyun qaçırır?

Sənay Yağmurun anası - yazıçı Zümrüd Yağmur  Kamran Mahmudovun təqdimatında yayımlanan “Çətin sual” verilişində bu və digər suallara cavab verir.

P.S. “Müdafiə Xətti” İnsan Haqları Təşkilatı Baş Prokuror Kamran Əliyevə müraciət edərək  tələb edib ki, ictimai fəal Sənay Yağmurun şikayəti əsasında aparılan ibtidai araşdırmanı nəzarətə götürsün: hərtərəfli, tam və obyektiv istintaqın həyata keçirilməsinə, xüsusilə, məsuliyyət daşımalı olan şəxs və ya şəxslərin dairəsinin müəyyənləşdirilib tədbir görülməsinə, adekvat hüquqi qiymətləndirmənin verilməsinə dair qəti göstəriş versin.-0-