Rusiya başqa ölkələrdən qopardığı torpaqları özünə birləşdirmək istəyir?- Ərəstun Oruclu “Çətin sual" qarşısında

Bakı/31.03.22/Turan: Tanınmamış Cənubi Osetiyanın prezidenti Anatoli Bibilov ötən gün qondarma respublikanın Rusiyaya birləşməsi üçün hüquqi prosedura başlandığını elan edib.

Bundan başqa bir çox təhlillərdə Rusiyanın əsas məqsədinin Ukraynanın şərqində və cənubunda olan bölgələri ələ keçirmək olduğu da deyilir. Ukrayna hökuməti Xerson vilayətinin Rusiyanın tərkibinə daxil olması barədə rəsmi Moskvanın referendum keçirməyə hazırlaşdığını bildirib.

Rusiyayönlü mənbələrin paylaşdığı xəritələrdə Ukraynanın Donetsk, Luqansk, Xarkov, Dnepr, Zaporoje, Nikolayev, Xerson və Odessa vilayətlərinin Rusiyaya birləşdiriləcəyi göstərilirdi.

Bundan başqa, Rusiyanın Moldovanın Dnestryanı və Qaqauziya bölgələrinin də özünə birləşdirəcəyi ilə bağlı  iddialar var.

Rusiyanın siyasəti ilə bağlı politoloq Ərəstun Oruclu Kamran Mahmudovun təqdimatında yayımlanan “Çətin sual” verilişində danışır.