“Tərtər işi”: Validə Əhmədova nə ilə təhdid olunur? – Validə Əhmədova Çətin sualda

Bakı/27.11.23/Turan:  2017-ci ildə Tərtərdə əsgər və zabitlərə qarşı kütləvi işgəncələr nəticəsində həyatını itirənlərdən biri – hərbi qulluqçu Elçin Quliyevin anası Validə Əhmədova ailəsinin təhlükə altında olduğunu deyir.

Onun sözlərinə görə, Tərtər hadisələrilə bağlı etiraz aksiyalarında iştirakına, baş verənlərə görə Prezidentin məsuliyyət daşıması haqda dediklərinə görə digər oğlu həbslə hədələnir.

Validə Əhmədova mediaya bildirib ki, iki gün əvvəl Prezident Administrasiyasının qarşısında etiraz aksiyasından sonra – noyabrın 23-də oğlu Emin Quliyevi Tərtərdə yaşadığı evdən mülki geyimlilər zorla aparıblar.

Sağlamlığında ciddi problemlər olan Emin Quliyev bir neçə saat ərzində Bərdə Rayon Polis İdarəsində təzyiq altında saxlanılıb, anasının etiraz aksiyalarında iştirakı, Prezident əleyhinə çıxışları davam edəcəyi halda, həbs olunacağıyla hədələnib.

Baş verənlərlə bağlı Tərtər hadisələri zamanı işgəncə nəticəsində həlak olan Elçin Quliyevin anası Validə Əhmədova Kamran Mahmudovun təqdimatında yayımlanan “Çətin sual” verilişində danışır.