Tokayevin Azərbaycan səfəri. Azərbaycan və Qazaxıstan nə qazanacaq? – Elxan Şahinoğlu Çətin sualda

Martın 11-də Bakıya rəsmi səfərə gəlmiş Qazaxıstan Prezidenti ilə mühüm sənədlər imzalanıb. Belə ki, iki ölkə prezidentləri - İlham Əliyev və Qasım-Jomart Tokayev arasında danışıqların yekunu üzrə Azərbaycan-Qazaxıstan sənədlər paketi imzalanıb.

Prezidentlər Dövlətlərarası Şuranın ilk iclasının Qərarını imzalayıblar. Bundan əlavə, iki ölkənin kiçik və orta biznesə dəstək fondları arasında əməkdaşlığa dair memorandumlar, SOCAR və “KazMunayQaz” şirkəti arasında Qazaxıstan neftinin alqı-satqısı üzrə strateji əməkdaşlığa dair memorandum və Qazaxıstan neftinin Azərbaycan ərazisindən nəqlinin həcminin mərhələli şəkildə artırılması haqqında saziş, Azərbaycan İnvestisiya Holdinqi ilə “Samruk Kazyna” SC arasında strateji tərəfdaşlıq haqqında saziş  və daha bir neçə sənəd imzalanıb.

Bu günsə Qazaxıstan Prezidenti Füzuliyə səfər edib.

Qazaxıstan Prezidentinin səfəri və iki ölkə arasında imzalanan sənədlər haqqında siyasi şərhçi Elxan Şahinoğlu Kamran Mahmudovun təqdimatında yayımlanan “Çətin sual” verilişində danışır.