Uşaq evindəki şəraiti tənqid etdiyinə görə yeniyetməyə ruhi xəstə damğası vuranlar kimlərdir? – Mehriban Zeynalova Çətin sualda
Bakı/06.04.23/Turan: 3 saylı uşaq evinin sakini 17 yaşlı Məhəmməd Hacıyevin saxlanma şəraiti ilə bağlı şikayəti ilə başlayan qalmaqal səngimir. Yeniyetmənin uşaq evi rəhbərliyinin korrupsiya əməlləri ilə bağlı danışığını əks etdirən videosu sosial şəbəkələrdə yayılandan sonra o, ruhi xəstəxanaya yerləşdirilib. Xəstəxananın baş həkimi uşağın ruhi xəstə olmadığını bildirib və bir gün sonra işdən çıxarılıb. 3 Saylı Uşaq Evinin müdirəsi Məhbubə Hüseynova isə bütün iddiaları təkzib edib.
Uşaq evindəki şəraiti tənqid etdiyinə görə yeniyetməyə ruhi xəstə damğası vuranlar kimlərdir? Necə olur ki, yeniyetmənin ruhi xəstə olmadığını söyləyən psixiatriya xəstəxanasının baş həkimi məhz bir gün sonra işdən çıxarılır? Dövlət qurumları baş verənlərə niyə adekvat reaksiya vermir?
“Təmiz Dünya” İctimai Birliyinin sədri Mehriban Zeynalova Kamran Mahmudovun təqdimatında yayımlanan “Çətin sual” verilişində bu barədə danışır.
Çətin sual
-
Donald Trampın yenidən ABŞ Prezidenti seçilməsi iki ölkə arasındakı münasibətlərə necə təsir edəcək? Azərbaycandakı insan haqları, demokratiya məsələləri ABŞ siyasətində hansı yeri tutacaq?
-
ABŞ-də keçirilən prezident seçkilərinin ilkin nəticələri açıqlanıb. İlkin nəticələrə görə keçmiş prezident Donald Tramp irəlidədir. Tramp özü də ABŞ-də keçirilən prezident seçkilərində qalib gəldiyini bəyan edib.
-
Bu gün ABŞ-də prezident seçkiləri keçirilir. Prezidentlik uğrunda hazırkı vitse-prezident Kamala Harris və keçmiş prezident Donald Tramp mübarizə aparır. İyulun 21-də Demokrat Partiyasının 2024-cü il ABŞ prezidentliyinə namizədi, hazırki prezident Co Bayden yarışdan geri çəkiləcəyini və vitse-prezident Kamala Harrisin namizədliyini dəstəkləyəcəyini açıqladı. Donald Tramp isə bu seçkidə respublikaçıları təmsil edir.
-
Seçki Məcəlləsinə görə, bələdiyyələrin səlahiyyət müddəti 5 ildir, bu ilin dekabr ayının 23-də Azərbaycanda bələdiyyələrin səlahiyyət müddəti başa çatacaq. Səsvermə Mərkəzi Seçki Komissiyası (MSK) tərəfindən seçkilərə 60 gün qalmış elan edilməlidir. Ancaq artıq seçkilərə 52 gün qalsa da, Mərkəz Seçki Komissiyası (MSK) hər hansı açıqlama yaymayıb.
Rəy yaz