ABŞ bayrağı altında üzən və ABŞ Müdafiə Nazirliyi üçün yük daşıyan iki gəmi Yəməndəki husi üsyançıları tərəfindən hücuma məruz qalıb

AP:  Çərşənbə günü ABŞ Müdafiə Nazirliyi və Dövlət Departamenti üçün yük daşıyan ABŞ bayrağı altnda üzən iki gəmi Yəməndə husi üsyançıları tərəfindən hücuma məruz qalıb, ABŞ Hərbi Dəniz Qüvvələri hücumu dəf edib, bu bardə rəsmi şəxslər məlumat verib.

“Maersk Detroit” və “Maersk Chesapeake” konteyner gəmilərinə edilən hücumlar qruplaşmanın həyatı əhəmiyyət kəsb edən Bab əl-Məndeb boğazından gəmi daşımalarına davam edən hücumları riskini daha da artırır.

ABŞ və Böyük Britaniya hücumları dayandırmaq üçün bir neçə hava hücumu həyata keçirib.

Bu arada, dünyanın ən böyük mayeləşdirilmiş təbii qaz ixracatçılarından biri olan Qətər, husilərin İsrailin Qəzzada HƏMAS-a qarşı müharibəsi ilə əsaslandırdıqları hücumlarının onun tədarükündə əks olunduğu barədə xəbərdarlıq edib.

Danimarkalı yükgöndərən “Maersk” şirkəti Associated Press-ə verdiyi açıqlamada, hücumlardan zərər çəkən iki gəminin ABŞ bayrağı altında üzən “Maersk Detroit” və “Maersk Chesapeake” konteyner gəmiləri olduğunu müəyyən etdi.

Açıqlamada deyilir ki, həmin vaxt ABŞ Hərbi Dəniz Qüvvələri öz gəmilərini müşayiət edirdi.

“Maersk” bildirib ki, "yolda olarkən hər iki gəmi yaxınlıqda partlayışlar gördüyünü bildirib və ABŞ Hərbi Dəniz Qüvvələrinin müşayiətçiləri də bir neçə mərmini tutub".

“Heyət, gəmi və yük təhlükəsiz durumdadır. ABŞ Hərbi Dəniz Qüvvələri hər iki gəmini geri çevirib və onları yenidən Ədən körfəzinə müşayiət edir”.

Maersk bəyan edib ki, Hər iki gəmi ABŞ Müdafiə və Dövlət Departamentlərinə, eləcə də digər dövlət qurumlarına məxsus yükləri daşıyırdı, bu da onların “boğazdan keçərkən ABŞ Hərbi Dəniz Qüvvələrinin mühafizəsi ilə təmin edildiyi” deməkdir.

Gəmilər “Maersk”in ABŞ-dakı törəmə şirkəti olan “Maersk Line” tərəfindən itismar edilirdi və şirkət “məlumatlandırmaya qədər regionda tranzitini dayandırır”, şirkətin açıqlamasında bildirilir.

ABŞ ordusunun Mərkəzi Komandanlığı onlayn açıqlamasında hücumda usiləri günahlandıraraq, onların "3 gəmi əleyhinə ballistik raket atdıqlarını" bildirib.

"Bir raket dənizə düşüb", - bəyanatda deyilir. “Digər iki raket ABŞ-ın Hərbi Dəniz Qüvvələrinin “Qreyvli” gəmisindəki “Arli Berk” sinfinə aid idarə olunan raketlər vasitəsilə uğurla tutulub.

Mərkəzi Komandanlıq AP-nin əlavə suallarına cavab verməyib.