![DonaldJTrumpJr. AFP](https://turan.az/resized/media/2017/main/071100003049-750-500-resize.webp)
DonaldJTrumpJr. AFP
ABŞ-da Emin Ağalarovun ətrafında qalmaqal böyüyür
Bakı/12.07.17/Turan: FTB və ABŞ Konqresi Rusiyanın ABŞ-da prezident kampaniyasına müdaxiləsinin və Moskva tərəfindən Hillari Klintonla bağlı kompomatın Tramp komandasına ötürülməsinin mümkünlüyünün araşdırılmasını davam etdirir.
Qalmaqalın növbəti mərhələsi çərşənbə axşamı başlayıb. Belə ki, Donald Tramp (kiçik) Azərbaycan prezidentinin keçmiş kürəkəni Emin Ağalarovla yazışmasını "Tvitter"də yerləşdirib.
"Robert Qoldstounla 9 iyun 2016-cı il görüşü haqda tam elektron yazışmanı dərc edirəm. 3 iyun 2016-cı il tarixli görüş haqda ilk məlumatı Rob göndərib və Eminin (Ağalarov) xahişinə aid olub. Mən onu 2013-cü ildə Moskvada keçirilən gözəllik müsabiqəsindən tanıyıram. Emin və onun atası (Araz Ağalarov) Moskvada çox nüfuzlu şirkətə sahibdirlər. Düşünürdüm ki, onlarda olan məlumat Hillari Klintonla bağlı kompromatdır. Öncə, sadəcə, telefonla danışmaq istədim. Ancaq bu, mümkün olmadıqda mənə dedilər ki, Nyu-Yorka bir qadın (məlumatlı) gələcək. Onunla görüşməyimi xahiş etdilər".
Rob Qoldstounun 3 iyun tarixli məktubunda deyilir ki, Rusiyanın baş prokuroru Araz Ağalarovla görüşərək kompromat xarakterli məlumatın olduğunu bildirib.
"Bu, seçkilərdə qalib gəlməsi üçün Trampa kömək məqsədilə Rusiya hakimiyyətinin kampaniyasının bir hissəsidir", - Goldstounun Trampa (kiçik) məktubunda deyilir.
Cümə günü New York Times bildirib ki, Trampın prezident seçkilərində qələbəsindən bir neçə ay öncə onun oğlu Donald Tramp (kiçik), kürəkəni Cared Kuşner və seçki qərargahının rəhbəri Pol Manafort Nyu Yorkda rusiyalı hüquqşünas Veselnitskaya ilə görüşüblər və o, guya Rusiya hakimiyyətindən əldə etdiyi və Klintonla bağlı olan hansısa kompromatı onlara verib.
İyulun 12-də Araz Ağalarov Trampın adamlarına hər hansı kompromatın ötürüldüyünü inkar edib. Eyni zamanda təsdiqləyib ki, oğlu Emin Trampın oğlu ilə dostluq edir, ünsiyyətdə olur.02D-
-
- Söz istəyirəm
- 11 İyul 2017 23:10
-
- Siyasət
- 12 İyul 2017 10:26
Dünyada
-
Reuters: Bu ilin COP29 BMT iqlim danışıqlarına üç aydan az qalmış, ölkələr sammitin ən böyük vəzifəsi olan inkişaf etməkdə olan ölkələrin iqlim dəyişikliyinə uyğunlaşmasına kömək etmək üçün yeni maliyyələşdirmə hədəfi üzərində razılığa gəlməkdən uzaqdır.
-
Sir Keir Starmerin Ukraynaya dəstək məsələsində effektiv qlobal liderlik göstərmək səyləri, Downing Street-in Kiyevə Rusiya ərazisində dərin hücumlar başlatmaq üçün həlledici imkanlar təmin edə bilməməsi ilə müəyyən qədər zəiflədilir.
-
Ukrayna Prezidenti Volodimir Zelenski cümə günü ölkənin hava qüvvələri komandanını vəzifədən azad etdi, bu hadisə, Ukraynanın Qərb tərəfdaşlarından aldığı F-16 təyyarəsinin Rusiya bombardmanı zamanı qəzaya uğraması və pilotun həyatını itirməsindən dörd gün sonra baş verdi.
-
Kamala Harris, prezidentliyə Demokratların namizədi kimi ilk rəsmi müsahibəsində ABŞ-ın cənub sərhədində miqrasiyaya daha sərt yanaşma tətbiq edəcəyini və İsrailə silah göndərilməsini davam etdirməyi dəstəklədiyini bəyan etdi.
Rəy yaz