Çin Rusiya ödənişlərinə görə ABŞ və Aİ-nin görünməmiş təzyiqi altındadır, Kreml bildirir

Reuters:  Kreml cümə axşamı bəzi Çin banklarının Rusiyadan ödənişləri qəbul etməkdən imtina etməsini şərh edərək, Pekinin Moskva ilə sərt davranmaq üçün ABŞ və Aİ-nin görünməmiş təzyiqi altında olduğunu bildirib.

Yanvarda rusiyalı iş adamları Çin bankları ilə hesablaşmalarla bağlı problemlərə diqqət çəkiblər. ABŞ Türkiyə və Çin kimi ölkələrin banklarını Rusiya ilə ticarəti asanlaşdırdıqları üçün ikinci dərəcəli sanksiyalarla hədələyib.

“İzvestiya” qəzeti bazar mənbələrinə istinadən cümə axşamı bildirib ki, Çin bankları “Ping An Bank” və “Bank of Ningbo” Rusiyadan Çin valyutası ilə ödənişlərin aparılmasını dayandırıblar.

Qəzet həmçinin bildirib ki, “DBS Bank”, “Great Wall West China Bank” və “China Zheshang Bank” Rusiya ilə əməliyyatlara bəzi məhdudiyyətlər tətbiq edib.

Kremlin sözçüsü Dmitri Peskov Çin bankları ilə bağlı vəziyyətin problemlər yaratdığını, lakin onların aradan qaldırılmasının mümkünlüyünü bildirib.

“Əlbəttə, ABŞ və Avropa İttifaqının Çin Xalq Respublikasına misli görünməmiş təzyiqləri, o cümlədən bizimlə münasibətlər kontekstində davam edir”, – Peskov jurnalistlərlə gündəlik konfransda deyib.

“Bu, əlbəttə ki, müəyyən problemlər yaradır, lakin (Çin ilə) ticarət-iqtisadi əlaqələrimizin daha da inkişafına mane ola bilməz”, - deyən Peskov Rusiya və Çinin belə maneələrin öhdəsindən gələ biləcəyini bildirib.

Rusiya Çinin ən böyük neft ixracatçısı olub.
Çünki 2022-ci ilin fevralında Kreml Ukraynada xüsusi hərbi əməliyyata başlayandan sonra Moskvaya qarşı geniş sanksiyalar tətbiq edən Avropa ilə  ticarətin yönünü dəyişib.