Gülenin terrorçuluq fəaliyyəti haqqında «dəlillər» təbəssüm doğurur

Erdoğan hökuməti bütün dünyanı Fetullah Gülenin və onun FETO təşkilatından olan tərəfdarlarının terrorçuluq fəaliyyəti ilə məşğul olduğuna inandırmağa çalışır.

Rəsmi mətbuat bunu təsdiq edən “dəlillər” dərc edir. Anadolu agentliyinin dərc etdiyi, Erdoğanın fikrincə dünyanı inandırmakı olan dəlillərə nümunələr:

1) Bir müddət əvvəl FETO ilə əlaqəsi olmaqda şübhəli bilinərək İstanbul polis idarəsinin təhlükəsizlik şöbəsinin əməkdaşı Mithat Aynacı çevriliş iştirakçılarının İstanbul Polis İdarəsini ələ keçirməyə çalışdıqları tanklardan birində olub.

2) Çevriliş cəhdinin araşdırılması çərçivəsində Ankara Baş Polis İdarəsinin keçmiş zabiti Zeki T.-nin mobil telefonunda Baş Qərargah binasına getmək və silah götürmək çağırışları yer alan SMS-məlumatlar aşkar edilib.

3) Türkiyə HDQ-nin kapitanı Haldun Gülmezin cibində Gülenin prezident Recep Tayyip Erdoğanın ünvanına lənət yer alan məktubu var idi.

4) Hakimiyyəti ələ keçirmək cəhdi haqqında iş üzrə keçən zabitlər Haldun Gülmez və Recep Zaferin həyat yoldaşları bir müddət əvvəl imtahanlarda Gülenin təşkilatı ilə əlaqəli maxinasiyalarda şübhəli bilinərək saxlanılmışdı.

5) Sakarya əyalətinin “imamı” hesab olunan Adil Öksüz iyulun 16-da Türkiyə HHQ-nin “Akıncı” bazası ərazisində ələ keçirilib. Tezliklə aydın olub ki, Öksüz hadisələrdən cəmi bir gün əvvəl xaricdən Türkiyəyə qayıdıb.

6) Türkiyə SQ Baş Qərargah rəisi general Hulusi Akarın köməkçisi, podpolkovnik Levent Türkkan FETO ilə əlaqəsi olduğunu etiraf edib.

“Mən “Paralel yapı”nın üzvüyəm və uzun illər ərzində bu “camaata” könüllü şəkildə qulluq etmişəm. İndiyədək təşkilatda “böyük qardaşlarıma” (“abiler”) tabe olmuşam, onların əmrlərini dəqiqliklə yerinə yetirmişəm”, deyə Türkkan istintaqa bildirib.

Bu arada, Youtube-da Fetullah Gülenin üç gün əvvəl ABŞ-da verdiyi, düşmənlərini ifşa etdiyi məşhur müsahibəsi yayılıb. -02D-