Karpenter:  “ATƏT sammitində Blinken-Lavrov görüşü istisna olunur”

ABŞ-ın ATƏT-dəki səfiri Skopyedə başlayan ATƏT-in nazirlər sammiti zamanı dövlət katibilə rusiyalı nazir Sergey Lavrov arasında birbaşa görüş ehtimalını istisna edib, Turan-ın Vaşinqton müxbiri bildirib.

"Rusiya ilə planlaşdırılmış qarşılıqlı əlaqələrimiz yoxdur və düşünmürəm ki, bu Nazirlər Şurasında dövlət katibi Blinken onunla görüşəcək", - səfir Maykl Karpenter Dövlət Departamentində virtual brifinqdə deyib.

Nazirlər Şurasında Blinken Ukraynaya dəstək də daxil olmaqla,  “bir neçə mühüm” verəcək.

Ancaq çərşənbə axşamı Ukrayna  Latviya, Estoniya və Litva ilə birlikdə bildirib ki, ATƏT-in görüşünü boykot edir, çünki Lavrovun oraya dəvət edilib.

 “Avropanın Rusiyadan qorunması lazımdır, onunla birlikdə olması yox", - Baltik ölkələri xarici işlər nazirlərinin birgə bəyanatında deyilir.

"Niyə Avropanın təhlükəsizliyini elə bir adamla müzakirə etməliyəm ki, onu Avropaya buraxmaq olmaz? - Litvanın xarici işlər naziri Qabrielius Landsberqis deyib.

ABŞ-ın ATƏT-dəki səfiri Karpenter Baltik nazirlərilə razılaşmayıb. O xatırladıb ki, Rusiya G20 və Birləşmiş Millətlər Təşkilatı Baş Assambleyasında görüşlərdə iştirak edib və "istəsəniz də, istəməsəniz də, ATƏT-də iştirakçı dövlətin kənarlaşdırılması üçün mexanizm yoxdur".

"Eyni zamanda, Rusiyanı ATƏT-də uğurla təcrid etdik və onun çoxsaylı vəhşiliklərini qınadıq, sənədləşdirdik və ifşa etdik və bu müzakirə mövzusu olacaq", - o əlavə edib.

“Mən gözləyirəm ki, bu, Rusiyanın Ukraynaya qarşı təcavüzünü bütün formalarında qınamaq mövzusu olacaq. Bu, həm də  Nazirlər Şurasında mövzu olacaq", -  deyib. Onun sözlərinə görə, Rusiya ATƏT-də tamamilə təcrid olunub.

Katib Blinkenin Skopyedə vurğulamağı planlaşdırdığı digər məsələ ATƏT-in bütün üzv dövlətlərinin insan hüquqlarına və demokratiyaya sadiqliyidir. Səfir Karpenterin sözlərinə görə, bəzi iştirakçı dövlətlər, əsasən Rusiya və Belarus "bu öhdəliklərdən tamamilə üz döndəriblər. Həmin öhdəliklər Paris Xartiyasında o qədər aydın şəkildə ifadə olunub ki,  mən xatırlatmaq istərdim ki, bu, ATƏT-in bütün dövlət başçılarının imzaladığı sənəddir".

Blinken həmçinin ABŞ-ın ATƏT-in əsas institutlarına qəti dəstəyini vurğulayacaq, Karpenter qeyd edib.