Kiyevdə qarşıdurma tərəfləri barışıq barədə razılığa gəliblər
Ukrayna prezidentinin administrasiyası bildirib ki, ölkədə siyasi böhranın nizamlanması üzrə danışıqların iştirakçıları yaranmış vəziyyətdən çıxış yollarını razılaşdırıb və yaxın zamanlarda müvafiq saziş imzalayacaqlar. Bu barədə fevralın 21-də prezidentin saytı məlumat verib.
Sazişin imzalanması saat 14:00-a planlaşdırılıb. Sənədin təfərrüatları açıqlanmır. Danışıqlarda müxalifət liderləri ilə yanaşı Avropa İttifaqının və Rusiyanın nümayəndələri iştirak ediblər.
“Ukrainskaya pravda”dakı mənbələrin məlumatına görə, saziş layihəsi 2004-cü il Konstitusiyasının (prezidentin səlahiyyətlərini məhdudlaşdırır) bərpasını və yaxın on gündə koalisiya hökumətinin formalaşdırılmasını nəzərdə tutur.
Eyni zamanda Polşa hökumətinin mətbuat katibi Malqojata Kidava-Blonskaya bildirib ki, sazişin mətni hələlil hazır deyil.
“Hələlik biz danışıqlar barədə söhbət edirik, yekun sənəd haqda yox”, - “İnterfaks” onun bəyanatından sitat gətirib.
Həm müxalifətçilər, həm də Avropa xarici siyasət idarələrinin rəhbərləri danışıqların birinci raundunun yekunlarına dair şərh verməkdən imtina ediblər.
Bundan əvvəl müxalifətçilər Yanukoviçin istefasını, vaxtından əvvəl parlament seçkilərinin keçirilməsini tələb ediblər.
“İnterfaks” bildirib ki, görüşdə Rusiyanı səfir Mixail Zurabov təmsil edib.
Aİ nümayəndələri Ukraynada dinc etirazların dağıdılmasında iştirak edənlərə qarşı sanksiyanın tətbiq olunacağını vəd ediblər. Məmurların viza almasının məhdudlaşdırılması, onların xarici hesablarının isə bağlanması nəzərdə tutulur.
Kiyevdə iğtişaşlar fevralın 18-də başlayıb və çoxsaylı qurbanla nəticələnib. Cümə günü səhərə olan məlumata görə, 77 nəfər həlak olub. -02D-
-
- İqtisadiyyat
- 21 Fevral 2014 12:19
Dünyada
-
PARİS, 26 iyul (Reuters) – Fransanın prezidenti Emmanuel Makron cümə günü idmançıların Sen boyunca alqışlandığı, rəqqasların Parisin damlarına çıxdığı və Ledi Qaqanın Fransız kabare mahnısını oxuduğu yağışlı mərasimdən sonra Olimpiya Oyunlarını açıq elan etdi.
-
Olimpiadanın açılışına bir neçə saat qalmış Fransanın dəmir yolu şəbəkəsində diversiya olub. Böyük miqyaslı fasilələr 800 min sərnişinə təsir edir, Londondan Parisə Eurostar qatarlarında səyahət vaxtı artacaq.
-
Trampın Ukraynaya Amerika silahlarını almaq üçün lazım olan qədər pul vermək və onların istifadəsinə qoyulan bütün məhdudiyyətləri aradan qaldırmaq imkanı olacaq, Pompeo xəbərdarlıq edib. Moskva Qərbin bu cür hərəkətlərinə cavab vəd edib.
-
Cümə axşamı Filippin sahillərində sənaye yanacağı daşıyan dəniz tankeri batması bir ekipaj üzvünün ölməsinə və neftin dağılmasına səbəb olub, neft paytaxt Manila yaxınlarında sulara yayıla bilər, bu barədə rəsmi şəxslər məlumat verib.
Rəy yaz