Putinlə düşmənçiliyin kəskinləşməsi fonunda Bayden administrasiyası Rusiyaya kiberhücumlara başlayacaq

“Bayden administrasiyası Rusiyaya qarşı bir sıra aqressiv kiberhücumlar hazırlayır, bu, taktikada rəqib dövlətlərə xəbərdarlıq atəşi olaraq düşünülmüş ciddi dəyişiklikdən xəbər verir. Yaxın iki həftədə həyata keçiriləcəyi gözlənilən hücum SolarWinds-ə müdaxiləyə – Amerikanın hökumət idarələrinə və korporasiyalarına ötən ilin sonlarında aşkar edilmiş və Kremllə əlaqələndirilən genişmiqyaslı müdaxiləyə cavabdır. Bütün bunlar Co Baydenin Vladimir Putinlə söz müharibəsinə başlaması, Rusiya prezidentini “qatil” adlandırması fonunda baş verir, bir halda ki, üz-üzə danışıqların gərgin açılışı zamanı Ağ Ev insan hüquqlarının pozulması ilə əlaqədar Çinə təpki etmişdi”, deyə The Telegraph yazır.

““The Telegraph”ın təxmininə görə, ABŞ mülki qurumları və ya şəbəkələri hədəf almayacaq. Bunun yerinə, müdaxilə Putinə, Rusiya prezidentinə və onun kiber-ordusuna birbaşa meydan oxumaq məqsədi daşıyır. Ağ Ev “bir sıra tədbirlər” – “görünən və ya görünməz tədbirlər” görəcəyini təsdiq edib, amma bunun nə vaxt və necə ediləcəyini dəqiqləşdirməyib”, deyə məqalədə bildirilir.

“İstənilən bu cür addım Moskvanın kibermüharibəsinə qarşı əsasən müdafiə addımları atan əvvəlki administrasiyaların istifadə etdiyi üsullardan fərqli bir üsulun tətbiqi demək olacaq. Donald Tramp Rusiyaya qarşı daha ehtiyatlı yanaşma həyata keçirirdi, heç vaxt rejimi birbaşa tənqid etməməyə və ona meydan oxumamağa çalışırdı”, deyə qəzet yazır və qeyd edir ki, (...) RF hökumətindəki yüksək vəzifəli mənbənin təxmininə görə, kiberhücumlar koronavirus əleyhinə vaksinin gözdən salınmasına yönəlmiş “genişmiqyaslı informasiya kampaniyası” - (...) “Sputnik V” vaksininin səmərəliliyi haqqında ilk növbədə Macarıstan, Slovakiya və Serbiya kimi fövqəladə hallarda vaksindən istifadəyə icazə vermiş Avropa ölkələrinə yönəlmiş feyk xəbərlər şəklində həyata keçiriləcək.

(...) “Rusiyaya qarşı cavab tədbirlərinə hazırlaşan Bayden yaxın bir neçə həftə ərzində Trampın heç vaxt edə bilmədiyini edəcək”, deyə FKB direktorunun keçmiş köməkçisi Frank Fiqlyutsi bildirib.

“(ABŞ-ın) necə cavab verəcəyi ilə bağlı çox qeyri-müəyyənliklər var, çünki (Rusiya ilə) işlərin idarə edilməsinin köhnə strategiyaları artıq işləmir, - deyə Rusiyanın kibercinayətkarlıq üzrə eksperti Andrey Soldatov “The Sunday Telegraph-la söhbətində bildirib. – Köhnə təmkinlilik strategiyaları artıq işləmir”. Brett Bruen – prezident Obamanın dövründə Ağ Evdə qlobal qarşılıqlı fəaliyyət üzrə direktor vəzifəsini tutmuş keçmiş Amerika diplomatı The Telegraph-a deyib: “İstər Rusiya olsun, istər Çin, biz siyasətimizin daha təsirli olmasını təmin etməliyik. Bir çox bəyanatlar səslənib, biz etdiyimiz hər şeyə nüfuz qazandırmağa hazır olmalıyıq”. (...)