Rusiya 110 raket atdı, amma biz mütləq cavab verəcəyik - Zelenski

Ukrayinska Pravda:  Ukraynaya səhər zərbəsi zamanı Rusiya 110-a yaxın raket atıb, onların əksəriyyəti vurulub, lakin hər halda bəziləri hədəfə dəyib, ölümlər və dağıntılar var, prezident Vladimir Zelenski deyib.

Vladimir Zelenski deyib: "Rusiya “arsenalında olan, demək olar ki, hər şeydən: “Kinjal”lardan, “S-300”lərdən, qanadlı raketlərdən, PUA-lardan” istifadə edib. "Strateji bombardmançı təyyarələr X-101/X-505 buraxıb. Təxminən 110 raket atılıb, onların əksəriyyəti vurulub.  Təəssüf ki, atəş nəticəsində ölən və yaralananlar var”.

Onun sözlərinə görə, ruslar Kiyev, Lvov, Odessa, Dnepr, Xarkov, Zaporojye və digər şəhərlərə hücum ediblər. Doğum evi, təhsil müəssisələri, ticarət mərkəzi, hündürmərtəbəli və fərdi yaşayış evləri, ticarət anbarı, avtomobil dayanacağına ziyan dəyib.

Zelenski əlavə edib ki, bütün xidmətlər gücləndirilmiş rejimdə işləyir və insanlara lazımi yardım göstərir.

"Həlak olanların ailələrinə və yaxınlarına başsağlığı verirəm, yaralananların tezliklə sağalması arzu edirəm. Terrorçuların hücumlarına mütləq cavab verəcəyik. Ölkəmizin, hər bir şəhərin, bütün xalqımızın təhlükəsizliyini təmin etmək üçün mübarizə aparacağıq. Rusiya terroru uduzmalıdır - və məhz belə olacaq”, - deyə prezident yekunlaşdırıb.