Rusiya ABŞ-ın BCM və İsraillə bağlı riyakarlıq etdiyi deyir

Reuters: Rusiya çərşənbə axşamı bildirib ki, Birləşmiş Ştatlar Beynəlxalq Cinayət Məhkəməsinin İsraillə bağlı araşdırmasına qarşı çıxmaqla, lakin məhkəmənin prezident Vladimir Putinin həbsinə dair orderi dəstəkləməklə riyakarlıq edir.

Fərdləri müharibə cinayətləri, insanlıq əleyhinə cinayətlər və soyqırımda ittiham edə biləcək Beynəlxalq Cinayət Məhkəməsi Həmasın 7 oktyabr transsərhəd hücumunu və İsrailin HƏMAS-ın nəzarətində olan Qəzzaya artıq yeddinci aydır davam edən dağıdıcı hərbi hücumunu araşdırır.

Ağ Evin sözçüsü Karin Jan-Pyer bazar ertəsi bildirib ki, Birləşmiş Ştatlar Beynəlxalq Cinayət Məhkəməsinin İsraillə bağlı araşdırmasını dəstəkləmir və məhkəmənin yurisdiksiyasına inanmır.

ABŞ prezidenti Co Bayden keçən il BCM-nin Putinin həbsinə order vermək qərarının haqlı olduğunu bildirib.

ABŞ Rusiyanın Ukraynada törətdiyi hərbi cinayətlərin təfərrüatlarını Beynəlxalq Cinayət Məhkəməsi ilə bölüşüb.

Rusiya Putin haqqında həbs qərarı Rusiyanın reputasiyasını ləkələmək üçün Qərbin mənasız cəhdid olduğunu deyir və Ukraynada hərbi cinayətləri inkar edir.

Ukrayna Rusiyanın hərbi cinayətlər törətdiyini iddia edir. Rusiya Qərbin Ukraynanın cinayətlərinə məhəl qoymadığını iddia edir, Kiyev bu ittihamı rədd edir.

“Vaşinqton Rusiya rəhbərliyinə qarşı BCM-nin orderlərinin verilməsini tam dəstəkləyib, bəlkə də təşviq edib”,  - bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Telegram səhifəsində yazıb.

Lakin “Amerika siyasi sistemi bu strukturun özünə və onun peyklərinə münasibətdə legitimliyini tanımır”, - Zaxarova deyib  və belə bir mövqe intellektual baxımdan “absurd” adlandırıb.

Kreml Putinin həbsinə order verilməsini yolverilməz və hüquqi cəhətdən etibarsız adlandırıb, çünki Rusiya Beynəlxalq Cinayət Məhkəməsinin  Roma Statutunu imzalamayıb.

İsrail BCM-nin üzvü deyil, eyni zamanda Fələstin əraziləri 2015-ci ildə üzv dövlət kimi qəbul edilib.

Baş nazir Benyamin Netanyahu cümə günü deyib ki, BCM-nin istənilən qərarı İsrailin hərəkətlərinə təsir etməyəcək, lakin təhlükəli presedent yaradacaq.

İsrail mətbuatı xəbər verir ki, İsrail rəsmiləri məhkəmənin Qəzzada beynəlxalq humanitar hüququn pozulması iddiası ilə Netanyahu və digər yüksək vəzifəli məmurların həbsinə order verə biləcəyindən narahatdırlar.

Onlar bildiriblər ki, BCM həmçinin HƏMAS liderlərinin həbsinə order verilməsini nəzərdən keçirir.