Məhkəmə Abzas Media-nın jurnalistini ev dustaqlığına buraxmayıb
"Abzas Media" nəşrinin əməkdaşlarına qarşı cinayət işi üzrə həbs olunan jurnalist Elnarə Qasımovanın həbs qətimkan tədbirinin ev dustaqlığı ilə əvəz olunması barədə vəsatəti təmin edilməyib.
Bu barədə Turan-a vəkili Günay İsmayılova bildirib.
Vəkilin sözlərinə görə, vəsatətə aprelin 30-da Xətai Rayon Məhkəməsində baxılıb.
"Elnarə Qasımova jurnalist fəaliyyətinə görə həbs olunduğunu və ittiham üzrə günahkar olmadığını bildirdi. Lakin, buna baxmayaraq, məhkəmə vəsatəti təmin etmədi. Məhkəmə qərarından apellyasiya şikayəti veriləcək", deyə vəkil İsmayılova qeyd edib.
Elnarə Qasımova yanvarın 15-də həbs olunub. Ona qarşı Cinayət Məcəlləsinin 206.3.2-ci (öncədən əlbir bir qrup şəxs tərəfindən qaçaqmalçılıq) maddəsi ilə ittiham irəli sürülüb.
Hazırda "Abzas Media"nın işi üzrə daha 6 jurnalist və mətbuat işçisi həbsdədir. Aprelin 29-da isə doqquzuncu şəxs - hüquq müdafiəçisi Anar Məmmədli saxlanılıb.
Siyasət
-
Bu gün Bakıya gələn Almaniya xarici işlər naziri Annalena Berbek COP29 iqlim konfransı ərazisində mətbuat konfransı keçirib.
-
Noyabrın 21-də Bakıda BMT-nin İqlim Konfransı (COP29) məkanda iqlim fəalları çoxsaylı aksiyalar keçirib.
-
Şərq Tərəfdaşlığı Vətəndaş Cəmiyyəti Forumunun (EaP CSF) Baş Assambleyası cümə günü qəbul etdiyi qətnamədə Ukraynada Rusiyanın davam edən təcavüzündən qaynaqlanan geosiyasi gərginliklərin artdığı bir şəraitdə demokratik islahatlara, regional sabitliyə və Avropa inteqrasiyasına sadiqliyini bir daha təsdiq edib.
-
Bakı 1 saylı İstintaq Təcridxanasında saxlanılan fəal Nicat İbrahim əsassız cinayət təqibinə etiraz olaraq noyabrın 20-də özünə çoxsaylı xəsarət yetirib. Bu barədə Turan-a onun xanımı Pərvin İbrahim bildirib. Onun sözlərinə görə, noyabrın 21-də həyat yoldaşı zəng edərək deyib ki, ötən gün güzgü parçası ilə özünə xəsarət yetirib. O, boğazını və qulaqlarını kəsib.
Rəy yaz