Rusiya prezidenti Vladimir Putin Rusiya hərbi qruplaşmalarının əsas hissəsinin Suriyadan çıxarılmasına başlamağı əmr edib. Qoşunların çıxarılmasına çərşənbə axşamı, martın 15-də başlanmalıdır. Bu vəzifəni Putin Müdafiə Nazirliyinin rəhbəri Sergey Şoyquya verib, xəbəri RBK TASS-a istinadla məlumat verib.
Rusiya prezidenti Vladimir Putin RF-nin əsas qüvvələrinin martın 15-dən etibarən Suriyadan çıxarılmasına başlamağı əmr edib. Bu barədə dövlət başçısı xarici işlər naziri Sergey Lavrov və müdafiə naziri Sergey Şoyqu ilə görüşə bildirib.
“Hesab edirəm ki, Müdafiə Nazirliyi qarşısında qoyulmuş vəzifələr ümumilikdə yerinə yetirilib. Buna görə sabahdan etibarən hərbi qruplaşmamızın əsas hissəsinin Suriya Ərəb Respublikasından çıxarılmasına başlamağı əmr edirəm”, deyə Putin bildirib.
Prezidentin sözlərinə görə, Tartus limanında və Hmeymim aviabazasında Rusiya silahlı qüvvələrinin yerləşmə nöqtələri “əvvəlki rejimdə fəaliyyət göstərəcək, onlar qurudan, dənizdən və havadan etibarlı şəkildə müdafiə olunmalıdır”.
Rusiya 2015-ci il sentyabrın 30-da Suriyada hərbi əməliyyata başladığını elan edib.
Latakiya əyalətində Hərbi-Kosmik qüvvələr aviabazası fəaliyyət göstərir, son aylar ərzində həmin bazadan Suriya ərazisinə aviasiya zərbələri endirilib. Moskva dəfələrlə bəyan edib ki, terrorçuların obyektləri hədəfə alınır. Suriya hüquq müdafiəçiləri və Qərb liderləri iddia edirdilər ki, zərbələr altına həm dinc əhali, həm də prezident Bəşər Əsədlə savaşan qiyamçılar düşürdü.
Bazar ertəsi, martın 14-də Cenevrədə Suriya üzrə dinc danışıqların ikinci mərhələsi başlayıb, bu, atəşkəs sazişinə nail olunması sayəsində mümkün olub. Atəşkəs sazişi fevralın 27-dən qüvvəyə minib.
Şoyqu ilə görüşdə prezident Rusiya qoşunlarının Suriyadan çıxarılmağa başlamasının danışıqlar prosesi üçün stimul olacağına ümid etdiyini bildirib. “Ümid edirəm ki, bugünki qərar münaqişə tərəfləri üçün yaxşı siqnal olacaq. Ümid edirəm ki, bütün proses iştirakçılarının etibarını xeyli dərəcədə artıracaq”, deyə o bildirib (TASS-dan sitat). -0-
Dünyada
-
Türkiyənin xarici işlər naziri Hakan Fidan və Suriyanın yeni administrasiyasının rəhbəri Əhməd Əl-Şara Dəməşqdə keçirilən danışıqlardan sonra birgə mətbuat konfransında Suriyada "yeni dövr" elan etdilər. Fidan Suriyanın ən qaranlıq günlərinin geridə qaldığını vurğuladı və inklüzivlik və suriyalıların qətiyyəti üzərində qurulmuş parlaq bir gələcək vəd etdi.
-
Yeni Gallup sorğusu göstərir ki, iki ildən çox davam edən Rusiya-Ukrayna müharibəsinin tezliklə həllini istəyən amerikalıların sayı artmaqdadır. Respondentlərin yarısı münaqişənin tez bir zamanda bitməsini dəstəklədiyini bildirib, hətta bu, Ukraynanın bütün itirilmiş ərazilərini geri qaytarmayacağı anlamına gəlsə belə. Bu rəqəm 2024-cü ilin martı ilə müqayisədə 7 faiz artım deməkdir. Oktyabr 2023-dən bəri tez həllə dəstək 43 faiz səviyyəsində sabit qalmışdı.
-
ABŞ-ın yüksək rütbəli diplomatları cümə günü Dəməşqdə Suriyanın yeni faktiki lideri Əhməd əl-Şaraa ilə görüş keçirdi. Görüş ölkənin siyasi keçidi müzakirə etmək məqsədilə təşkil olunmuş və "yaxşı" və "çox məhsuldar" kimi qiymətləndirilmişdir. ABŞ nümayəndə heyəti, həmçinin, əl-Şaraa-nın başına qoyulmuş 10 milyon dollarlıq mükafatın ləğv edildiyini elan edib.
-
İran qadınlar üçün daha sərt hicab tələbləri ilə bağlı mübahisəli yeni qanunun tətbiqini dayandırıb. Bir çox müşahidəçilərin fikrincə, bu qanun Mahsa Əmininin 2022-ci ildə ölümündən sonra baş verən kütləvi etirazlara bənzər hadisələri təkrarlaya bilərdi, yüksək rütbəli rəsmi bildirib.
Rəy yaz