Rusiya Ukraynaya pilotsuz uçuş aparatlar və raketlərlə hücum edib

Şənbə günü, fevralın 3-nə keçən gecə Rusiya qoşunları Ukrayna ərazisinə 14 “Şahed-136/131” pilotsuz uçuş aparatı və iki X-59 raket raketi buraxıb, bu barədə Ukrayna Silahlı Qüvvələrinin Hərbi Hava Qüvvələrinin komandanlığının məlumatında deyilir.

Məlumata görə, pilotsuz uçuş aparatlarının “əhəmiyyətli hissəsi” fevralın 2-nə keçən gecə olduğu kimi Dnepropetrovsk vilayətində enerji infrastrukturu obyektlərinə hücum edib.

Ukrayna Silahlı Qüvvələri Dnepropetrovsk, Odessa, Nikolayev və Jitomir vilayətlərində 9 PUA-nı vurub. Raketlərin vurulub vurulmadığı dəqiqləşdirilmir.

Regionun hərbi administrasiyasının rəhbəri Sergey Lısak bildirib ki, Dnepropetrovsk vilayətində Ukraynanın hava hücumundan müdafiə qüvvələri beş pilotsuz uçuş aparatını vurub, lakin bir neçəsi hədəfə dəyib. “İki yanğın baş verib. Rayonda təxminən 15 000 nəfər işıqsız qalıb. Həmçinin Krivoy Roqda 43 000 abunəçini təmin edən iki qazanxana işıqsız qalıb. Şəhərin sürətli tramvayının enerjisi qismən kəsilib. Həmçinin bəzi ailələr susuz qalıb”, - deyə o özünün Teleqram kanalında yazıb.

Krivoy Roqun Müdafiə Şurasının rəhbəri Aleksandr Vilkul bildirib ki, rus qoşunları şəhərin enerji infrastrukturu obyektini vurub.

Onun sözlərinə görə, saat 7.00-a (Moskva vaxtı ilə 8.00) Metallurgiya rayonunda 7500 abonent işıqsız qalıb. Şəhərdə qəza şəraitində enerjinin söndrülməsi cədvəli tətbiq edilir.

Ötən gecə Rusiya qoşunları Ukrayna ərazisinə 24 “Şahed” zərbə dronu buraxıb. Ukrayna Silahlı Qüvvələrinin bildirdiyinə görə, onlar 11 PUA-nı vurmağa nail olublar. ​Dronlardan biri “Ukrenerqo” elektrik yarımstansiyasını zədələyib, Krivoy Roqda iki karxana da daxil olmaqla 40 minə yaxın abonəçi işıqsız qalıb.

Rusiya hərbçiləri demək olar ki, hər gün Ukrayna ərazisinə pilotsuz uçuş aparatları ilə zərbələr endirir.

Hücumların hədəfi çox vaxt kritik və enerji infrastrukturu obyektləri olur. Krivoy Roq mühüm sənaye mərkəzi və Ukrayna prezidenti Vladimir Zelenskinin doğma şəhəridir.