Rusiyanın Smolensk şəhərindəki enerji obyektləri Ukraynanın pilotsuz təyyarə ilə həyata keçirdiyi hücumdan sonra yanıb

Reuters:  Rusiyanın Smolensk vilayətində yanacaq-energetika kompleksi obyektlərində yanğın Ukraynanın pilotsuz təyyarə ilə həyata keçirdiyi hücum nəticəsində baş verib, qərb bölgəsinin qubernatoru Vasili Anoxin bildirib.

“Bizim bölgəmiz yenidən Ukrayna pilotsuz təyyarələrinin hücumuna məruz qalıb”, - deyə Anoxin “Telegram” messencerində yazıb.

Yanğının hansı obyektləri bürüdüyü hələ məlum deyil.

Rusiyanın cənub-qərbindəki Lipetsk vilayətinin qubernatoru İqor Artamonov dronun sənaye zonasına düşdüyünü bildirib. O, “Telegram”da tələfatın olmadığını bildirib, lakin hər hansı zərərin olub-olmadığını və ya hansı obyektin vurulduğunu dəqiqləşdirməyib.

“Reuters” xəbərləri müstəqil şəkildə yoxlaya bilməyib.

Ukraynadan hələ ki, heç bir şərh yoxdur. Kiyev Rusiya daxilində hücumları nadir hallarda şərh edir, lakin Ukrayna rəsmiləri Rusiyanın mühüm enerji, hərbi və nəqliyyat infrastrukturunun məhv edilməsinin Moskvanın ümumi hərbi imkanlarını sarsıtdığını bildirib.