Tramp Ukraynanın Rusiyada Amerika raketlərindən istifadə icazəsini ləğv etməyi təklif edir

The Telegraph: Donald Tramp Ukraynanın Rusiya ərazisində Amerika raketlərindən istifadə etmək icazəsini ləğv edə biləcəyini ehtimal edib.

O, Mar-a-Laqoda mətbuat konfransında çıxış edərkən deyib ki, Ukraynanın Rusiyadakı hədəfləri ABŞ-ın təchiz etdiyi uzaqmənzilli raketlərlə vurmasına icazə vermək “böyük səhv” idi.

“Xüsusilə mən vəzifəyə başlamazdan bir neçə həftə əvvəl. Nə düşündüyümü soruşmadan niyə belə etdilər? Düşünürəm ki, bu, böyük səhv idi”, - deyə o bildirib.

Jurnalistlərdən birinin vəzifəyə başladıqdan sonra qərarı ləğv etməyi düşünürmü sualına o, belə cavab verib: “Bəlkə də, bəli. Düşündüm ki, bu, çox axmaq hərəkət idi”.

O, həmçinin bazar ertəsi günü Rusiya prezidenti Vladimir Putin və Ukrayna prezidenti Vladimir Zelenski ilə Ukraynada müharibənin dayandırılması ilə bağlı danışacağını deyib və münaqişə nəticəsində törədilən qırğın görüntülərindən narahat olduğunu bildirib.

"Bu dayandırılmalıdır", Tramp deyib.

O, Ukraynanın təxminən üç ildir davam edən müharibənin sülh yolu ilə nizamlanmasının bir hissəsi kimi Rusiyaya ərazi verməlidirmi sualına birbaşa cavab verməyib.

Tramp mübahisəli ərazinin böyük hissəsinin xarabalığa çevrildiyini və yenidən qurulmasının bir əsr çəkəcəyini bildirib.

O, daha əvvəl demişdi ki, vəzifədən gedən prezidentin raketlərlə bağlı qərarı “bu müharibənin eskalasiyasına və daha da dərinləşməsimə” səbəb ola bilər.