Türkiyədə böyük yol qəzasında 10 nəfər ölüb

ТАСС: Türkiyənin şimal-qərbində baş verən böyük avtoqəzada 10 nəfər ölüb, 59 nəfər yaralanıb. TRT telekanalının məlumatına görə, Sakarya vilayətində şəhərlərarası magistral yolda 7 avtomobil toqquşub.

Türkiyə Səhiyyə Nazirliyinin rəhbəri Fahrettin Kocanın bildirib ki, qəza nəticəsində 59 nəfər xəsarət alıb, onlardan 8-nin vəziyyəti ağırdır. “Bu gün səhər saat 04:36 radələrində Sakarya Şimali Mərmərə magistralının Tekeler rayonu ərazisindən keçən hissəsində baş verən yol-nəqliyyat hadisəsi nəticəsində 10 nəfər yerindəcə ölüb, 8-i ağır olmaqla 59 nəfər yaralanıb, onlar 30 təcili yardım maşını ilə xəstəxanalara aparılıb”, -  deyə nazir X sosial şəbəkəsində (keçmiş Twitter) yazıb.

Qubernatorun sözlərinə görə, ölən və yaralananların hamısı respublika vətəndaşlarıdır. “Sakarya və ətraf rayonlarda ümumilikdə 10 xəstəxana fəaliyyət göstərir. İlkin ehtimala görə, qəzaya səbəb sıx duman olub. "Hazırda bütün əməkfaşlar, polis, Fövqəladə Hallar Departamenti, həkimlər və müstəntiqlər hadisə yerində işlərini davam etdirirlər. İlkin ehtimala görə, ölən və yaralananlardan bəziləri ilk toqquşmadan sonra yola çıxan insanlardır, onlar digər avtomobillər tərəfindən vurulub”, - deyə o bildirib.

Türkiyə Daxili İşlər Nazirliyinin rəhbəri Əli Erlikaya bildirib ki, “ilkin məlumatlara görə, 10 vətəndaş həlak olub, 59 nəfər yaralanıb.