![Türkiyədə hərbi çevrilişə cəhdin qarşısı alınıb](https://turan.az/resized/media/2016/main/071500162181-750-500-resize.webp)
Türkiyə hərbçiləri cümə axşamı hökumətin kənarlaşdırıldığını və hakimiyyətin ələ keçirildiyini bəyan ediblər. Ölkə hakimiyyəti isə bildirib ki, bir qrup hərbçi çevrilişə cəhd edib, lakin mövcud hakimiyyəti devirə bilməyib.
Mövcud hakimiyyətin tərəfdarları Türkiyə prezidenti Rəcəb Tayyip Ərdoğanın çağırışı ilə çevrilişə mane olmaq üçün küçələrə axışıb. Son məlumatlara görə, toqquşmalar zamanı 60-a yaxın adam həlak olub, 130 nəfər saxlanılıb. Hakimiyyət baş verənlərə görə məsuliyyəti müxalifətçi din xadimi Fətullah Gülənin tərəfdarlarının üzərinə qoyur.
Şənbə günü səhər tezdən Marmarisdən İstanbula gələn Ərdoğan öz postunu tərk etməyəcəyini bildirib və çevriliş cəhdinin qarşısının tam alınacağını vəd edib.
DW: Türkiyənin NTV telekanalı Bosfor körpüsü üzərində onlarla əsgərin əllərini qaldıraraq təslim olduğunu göstərib.
++ 06:47 ++
Hərbi çevriliş iştirakçılarının istifadə etdiyi hərbi vertolyot Ankara ətrafında vurulub, Anadolu agentliyi bildirib.
++ 06:30 ++
Aviahücum Ankarada Prezident Sarayının binasının yaxınlığında baş verib, Türkiyə KİV-i bildirib.
++ 06:28 ++
Türkiyənin baş naziri Binəli Yıldırım ekstren parlament sessiyasının çağırıldığını elan edib. İclas şənbə günü olmalıdır. B.Yıldırım bütün partiyaları iclasda iştiraka çağırıb, Anadolu agentiyi biıdirib.
++ 06:23 ++
İstanbulun dəniz hakimiyyəti təhlükəsizliklə əlaqədar Bosfor körfəzini tankerlərin keçidi üçün bağlayıb.
++ 06:10 ++
Türkiyə parlamentinin binasına bomba zərbələri davam edir. Yüksək vəzifəli məmurlardan biri bildirib. Onun sözlərinə görə, qiyamçılara xəbərdarlıq edilib ki, hava qüvvələrindən istifadə etsələr onlara atəş açılacaq.
++ 05:40 ++
İstanbulda Atatürk hava limanı işini bərpa edib.
++ 05:35 ++
Hərbi çevriliş cəhdi nəticəsində Ankarada 42 nəfər öldürülüb. Onların əksəriyyəti mülki şəxslərdir, Türkiyə prokurorluğunun nümayəndəsi bildirib.
++ 05:00 ++
Türkiyənin baş naziri qiyamçların ələ keçirdiyi təyyarə və vertolyotların vuurlması barədə göstəriş verib.
+ 04:55 ++
CNN Türk telakanalı yayımı bərpa edib.
++ 04:44 ++
Türkiyənin baş naziri Binəli Yıldırım bildirib ki, hərbi çevrilişə cəhd işi üzrə 120-dən çox adam saxlanılıb, AFR bildirib.
Hava limanında insanlar Ərdoğanı alqışlayıblar.
++ 04:43 ++
Ərdoğan deyib ki, Fətullah Gülən və onun nümayəndələrinə xəyanət baha başa gələcək. O həmçinin öz əleyhdarını mövud hakimiyyətin devrilməsinə yönələn “paralel qurumlar” yaratmaqda ittiham edib.
Ərdoğan and içib ki, Türkiyəni “işğalçılar”a verməyəcək.
++ 04:34 ++
Türkiyə prezidenti Rəcəb Tayyip Ərdoğan çevriliş cəhdini “dövlətə xəyanət aktı” adlandırıb. Bütün bunlar orduda təmizləmə üçün səbəbdir. Ərdoğan bildirib ki, bəzi hərbçilər Pensilvaniyadan (ABŞ) göstəriş alıblar. Ərdoğanın opponenti Fətullah Gülən orada yaşayır.
++ 04:16 ++
Türkiyə prezidenti Ərdoğan Atatürk hava limanındadır. Onu çoxsaylı insan gözləyir, NTV bildirib.
++ 04:14 ++
Ankarada Prezident Sarayının yaxınlığında 13 əsgər saxlanılıb. Daha 50 nəfər isə İstanbulda həbs olunub, NTV məlumat yayıb.
++ 04:13 ++
İstanbulda Taksim meydanında qiyamçıları dəstəkləyən 30-a yaxın əsgər könüllü olaraq silahları polisə təhvil verib, Reuters bildirib.
++ 04:01 ++
Əsgərlərin ələ keçirdiyi CNN Türk telekanalının studiyasından birbaşa efir zamanı atəş səsləri eşidilir.
++ 03:59 ++
Avropa İttifaqının rəhbərliyi dərhal Türkiyədə dövlət asayişinin bərpasını tələb edib. “Aİ demokratik yolla seçilmiş hökuməti, dövlət orqanlarını və qanunun aliliyini dəstəkləyir”, - Ulan-Batorda keçirilən Avropa-Asiya sammitində qəbul edilən bəyanatda deyilir. Avropalı liderlər qeyd edirlər ki, Türkiyə Aİ üçün “əsas tərəfdaş” olaraq qalır.
Aeroportda güclü partlayış
++ 03:57 ++
İstanbulda Atatürk hava limanında güclü partlayış səsi eşidilib, Reuters öz reportyoruna istinadən bildirib.
++ 03:55 ++
Əsgərlər efir studiyasını nəzarətə götürdükdən sonra CNN Türk telekanalı yayımı dayandırıb.—0--
Rəy yaz