Ekspertlət Maliyyə Sabitliyi Şurasının effektivliyinə şübhə ilə yanaşırlar

Ekspertlər Azərbaycan prezidentinin fərmanı ilə yeni yaradılan Maliyyə Sabitliyi Şurasının effektivliyini şübhə altına alırlar.

Analitik Samir Əliyev Turan-ın müxbirilə söhbətində deyib ki, Şuraya hökumətin maliyyə-iqtisadi blokunun nümayəndələri daxil olub. Bu mənada Şura Nazirlər Kabinetinə paralel struktura çevrilir.

Eyni zamanda ekspert qeyd edib ki, ehtimal ki, Şura dövlət qurumları arasında koordinasiyanın təmin olunmasına yönəlib. Belə ki, son vaxtlar bu, müşahidə edilmirdi. Bu, özünü Mərkəzi Bank, Maliyyə Nazirliyi, İqtisadiyyat Nazirliyi, Maliyyə Bazarlarına Nəzarət Palatasının mövqelərinin ayrı olmasında özünü  göstərib.

Belə ki, Mərkəzi Bank inflyasiyanın artmasından ehtiyatlanaraq manatla kreditləşmənin məhdudlaşdırılmasına çalışır ki, bu da sahibkarlığa, iqtisadi artım və büdcə gəlirlərinə yardım göstərməyə çalışan İqtisadiyyat və Maliyə Nazirliyinin mövqeyinə ziddir.

Lakin S.Əliyevin fikrincə, Azərbaycan iqtisadiyyatının problemləri təkcə maliyyə sabitliyinə nail olunması ilə kifayətlənmir.

Struktur və institusional islahatlar, mənzil-kommunal təsərrüfatında islahatlar, rəqabət mühitinin yaradılması və s. vacibdir.

REAL Hərəkatının icraçı katibi, iqtisadçı-ekspert Natiq Cəfərli də Maliyyə Sabitliyi Şurasının işləməyə qadir olmasına şübhə ilə yanaşır.

O, Turan-a bildirib ki, Şuraya ölkənin maliyyə sistemini hazırki vəziyyətə gətirən şəxslər daxil olublar. Odur ki, bu cür məsləhətçi strukturu qeyri-hökumət sektorunun nümayəndələrindən yaratmaq lazımdır ki,  müstəqil araşdırmalar aparılsın və alternativ yollar təklif edilsin.—06B--