Türkiyədə hökumət əleyhinə etiraz aksiyaları başlayıb

Türkiyə xəbər saytları ölkədə mövcud hökumət əleyhinə etiraz aksiyalarının başlaması və polisin aksiyalara müdaxiləsi haqda xəbərlər yayıb.
Aksiyaların başlamasına səbəb baş nazir Ərdoğanın oğlu Bilal Ərdoğanla 17 dekabr “böyük rüşvət və korrupsiya əməliyyatı” ilə bağlı evdəki pulların başqa yerə daşınmasına dair danışıqlarının yayılması göstərilir.
Aksiyalar 12 vilayəti əhatə edib. Aksiyalar “Hökumətə istefa!”, “Oğurluq hara qədər!? Oğurluq bura qədər!!” şüarları altında keçirilib.
Bundan əlavə, Türkiyə Baş Prokuroluğu baş nazir ilə oğlunun arasındakı telefon danışığı barədə araşdırma başlayıb, nəticələr barədə hələ ki açqılama yoxdur.
Amma bu səs qeydlərinin ABŞ-ın aparıcı səs qeydəalınma mərkəzlərində yoxlamadan keçdiyi və montaj olması haqda rəy verildiyi də bildirilir. Türkiyənin iki yerli səs eksperti isə öz araşdırmalarında bu səs qeydlərinin montaj olmaması haqda Türkiyə KİV-lərinə bu günlərdə açıqlamalar vermişdilər.
Bu səs qeydlərilə bağlı fövqəladə toplantılar keçirən Türkiyənin aparıcı müxalifət partiyaları bu hadisədən sonra mövcud iqtidarı legitim saymadıqlarını bəyan etmişdilər.-05D-